Viarchoŭny lidar Irana zahadaŭ pamiłavać dziasiatki tysiač aryštavanych padčas antyŭradavych pratestaŭ
Viarchoŭny lidar Irana ajatała Ali Chamieniei rasparadziŭsia pamiłavać dziasiatki tysiač źniavolenych, u tym liku častku aryštavanych padčas antyŭradavych pratestaŭ, paviedamlaje dziaržaŭnaje ahienctva IRNA.
Chamieniei abviaściŭ, što pamiłavanyja buduć tyja, kamu nie vystaŭlenyja abvinavačvańni ŭ špijanažy, pracy na zamiežnyja śpiecsłužby, a taksama zabojstvach i paškodžańniach dziaržmajomaści. Ahienctva padkreśliła, što vyzvaleńnie źniavolenych prymierkavanaje da hadaviny isłamskaj revalucyi.
Taksama źniavolenym, jakija majuć prava na pamiłavańnie, zahadali napisać «pakajannyja» listy, u advarotnym vypadku ich pakinuć pad vartaj.
Pratesty ŭ Iranie ŭspychnuli ŭ vieraśni, paśla śmierci ŭ palicecskim učastku 22-hadovaj Machsy Amini. Jaje zatrymali za «niapravilnaje» našeńnie chidžaba (u jaje z-pad chustki byli bačnyja vałasy).
U vyniku pratestaŭ zahinuli niekalki socień čałaviek.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ16
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary