Kazino raźličana na zamožnych klijentaŭ jak ź Biełarusi, tak i z Rasii.
U Minsku adkryłasia pieršaje VIP-kazino. Minimalnaja suma abmienu hrošaj na fiški składaje 5 tys. dołaraŭ.
Sumy ž minimalnych stavak u kazino «Šanhry Ła» krychu mienšyja, ale dla biełarusaŭ usio roŭna niezvykłyja: na ruletcy — 25 dalaraŭ, u kartačnych hulniach — 200 dalaraŭ. U raniej adkrytych mienskich kazino hetyja sumy zvyčajna abmiežavanyja minimumam 1 i 5 dołaraŭ adpaviedna.
Adnak, jak paviedamiŭ na pres-kanfierencyi 23 kastryčnika 23 hałoŭny vykanaŭčy dyrektar mižnarodnaha chołdynhu Storm International Daren Kin, kazino raźličana na zamožnych klijentaŭ jak ź Biełarusi, tak i z Rasii. Pra mahčymuju praporcyju biełaruskich i rasijskich naviedvalnikaŭ stvaralniki kazino pakul kazać nie biarucca. Choć nie vyklučany varyjant čarternych pajezdak hulcoŭ u minskaje «Šanhry Ła», jak z Maskvy, tak i inšych stalic byłych sajuznych respublik, dzie jość ciažkaści z hulniavym biźniesam, ale majucca rehularnyja avijaznosiny ź Minskam.
Niahledziačy na takija VIP-minimumy, pa słovach mieniedžera prajekta Andreja Ivankina, čakany termin akupnaści kazino — da 1 hoda. Pry hetym inviestycyi Storm International u minski prajekt skłali kala 3 młrd. biełaruskich rubloŭ, abo bolš za 1 młn. dalaraŭ.
Razam z tym, jak skazaŭ Daren Kin, u pieršapačatkova raźličanych abmiežavańniach na sumu abmienu hrošaj mahčymyja źmieny ŭ pracesie raboty kazino. Praściej kažučy, usio budzie zaležać ad klijentaŭ i ich kolkaści.
Łatuška abviarhaje abvinavačańni ŭ charasmencie ad delehatki KR Karpušonak83
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary