Ziemlatrus u Turcyi: z-pad zavałaŭ vyratavali 10-dzionnaje niemaŭla, ahulnaja karcina biedstva žachlivaja
Z Turcyi i Siryi praciahvajuć prychodzić paviedamleńni pra ludziej, jakija cudam zastalisia žyvyja i vyratavalisia praz šmat hadzin paśla ziemlatrusu. Ale, pa słovach ratavalnikaŭ, heta asobnyja vypadki, i nadziej na novyja padobnyja cudy amal nie zastajecca, piša Bi-bi-si.
U tureckaj pravincyi Chataj udałosia dastać z-pad ruin doma maci i jaje 10-dzionnaha syna, jakija praviali pad zavałami 90 hadzin. Miascovyja ŚMI apublikavali fatahrafii maleńkaha Jahiza, zahornutaha ŭ ciepłaachoŭnuju płastykavuju koŭdru, jakuju niasuć u mašynu chutkaj dapamohi.
U Siryi tysiačy ludziej prapanavali ŭdačaryć novanarodžanuju dziaŭčynku, jakuju dastali z-pad abłomkaŭ doma na paŭnočnym zachadzie krainy. Ajia, što pa-arabsku aznačaje «cud», była ŭsio jašče źviazana pupavinaj sa svajoj maci, jakaja razam ź inšymi rodnymi dziaŭčynki zahinuła pry ziemlatrusie.
Pavodle apošnich źviestak, u vyniku katastrafičnaha ziemlatrusu ŭ Turcyi i Siryi, jaki adbyŭsia ŭ minuły paniadziełak, zahinuła bolš za 23 tysiačy čałaviek.
Razbor zavałaŭ praciahvajecca, ale šancaŭ dastać adtul žyvych amal niama.
Ekśpierty AAN kažuć, što poŭnaj karciny achviar i razbureńniaŭ jašče niama, ale ŭžo ciapier možna kanstatavać, što nastupstvy ziemlatrusu žachlivyja.
Dziasiatki tysiač ludziej, jakija stracili dom, vymušanyja chavacca ad minusavaj tempieratury ŭ acalełych handlovych centrach, miačeciach i na stadyjonach. U horadzie Šanłyurfa, adnym z samych mocna paciarpiełych ad ziemlatrusu, kala paŭtary tysiačy čałaviek užo niekalki načej praviali ŭ pałatkach.
-
Iranskija šachiedy prylacieli ŭ Azierbajdžan — adzin upaŭ kala škoły, druhi vybuchnuŭ na terytoryi aeraporta
-
«Uviečary telefanuje lekar z palikliniki i raspaviadaje vyniki analizaŭ — heta prosta šok!» Biełarusy raspaviali pra miedycynu ŭ Litvie
-
Kim Čen Yn abviaściŭ pra vypusk u KNDR minimum dvuch eśmincaŭ u hod
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary