Prezidentka Jeŭrakamisii i premjerka Finlandyi raskazali, jak zmahajucca z seksizmam
Kiraŭnica Jeŭrapiejskaj kamisii Ursuła Fon der Lajen i staršynia ŭrada Finlandyi Sana Maryn na panelnaj dyskusii Miunchienskaj kanfierencyi pa biaśpiecy padzialilisia vopytam taho, jak jeŭrapiejskija ŭrady da hetaha času demanstrujuć seksizm u dačynieńni da palitykaŭ, piša «Jeŭrapiejskaja praŭda».
Sana Maryn, adkazvajučy na pytańnie pra heta, nahadała pra niadaŭniuju historyju, kali jaje ŭdzieł u videa z tancami, zroblenym na pryvatnaj viečaryncy, vyklikaŭ skandał, i mnohija ličyli, što heta maje koraniem toje, što jana žančyna, a nie tolki premjer-ministarka.
Zrešty, Maryn nie ličyć svaje pavodziny pamyłkaj. «Ja tancavała i paśla taho razu», — padkreśliła jana.
Prezidentka Jeŭrakamisii, sa svajho boku, padzialiłasia vopytam farmavańnia składu JEK u 2019 hodzie.
Fon der Lajen raspaviała, što paśla paćvierdžańnia jaje pryznačeńnia na pasadu jana pačała farmavać skład JEK, i pastaviła metu sfarmavać hienderna zbałansavanaje kamisiju.
«Tady ja źviarnułasia da ŭsich krain — členaŭ ES dać mnie dźvie kandydatury, mužčynu i žančynu, kab ja mahła vybrać adnaho čałavieka. I vy prosta nie ŭjaŭlajecie, jakoj aburanaj była reakcyja! Byli čalcy, jakija dasłali traich mužčyn dla vybaru», — raspaviała jana.
Ursuła fon der Lajen taksama ŭspomniła, što raniej situacyja była horšaj, i jaje ŭ svoj čas — kali jana pracavała ministarkaj paśla naradžeńnia pieršych dziaciej, kalehi prama rekamiendavali «vyznačycca, kim jana choča być, drennaj maci abo drennym ministram».
Sana Maryn zapeŭniła, što ciapier situacyja mianiajecca. Naprykład, u jaje ŭradzie adzin z mužčyn-ministraŭ vyrašyŭ syści z pasady ŭ «baćkoŭski adpačynak». «Heta — realnaja hiendarnaja roŭnaść, jakoj ja hanarusia», — zajaviła kiraŭnica ŭrada Finlandyi.
U siecivie źjaviłasia videa, na jakim premjerka Finlandyi adryvajecca na chatniaj viečaryncy. Joj daviałosia apraŭdvacca VIDEA
Finskaja premjerka Sana Maryn stała zorkaj. A što viadoma pra jaje muža?
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary