Padčas Miunchienskaj kanfierencyi pa biaśpiecy Śviatłana Cichanoŭskaja siarod inšych sustrełasia i ź viadomym amierykanskim finansistam dy miecenatam Džordžam Sorasam. Padčas sustrečy baki abmierkavali situacyju ŭ Biełarusi, a Cichanoŭskaja prapanavała Sorasu adnavić prahramu padtrymki biełaruskaj hramadzianskaj supolnaści.
Soras adznačyŭ, što «ŭzhadvaje pra Biełaruś padčas sustreč» i zyčyć joj «demakratyčnych pieramien». Finansist nahadaŭ, što Biełaruś była pieršaj krainaj, adkul «vyhnali jaho arhanizacyju».
Da vymušanaha sychodu z krainy fond Sorasa «padtrymlivaŭ raznastajnyja prajekty ŭ śfiery adukacyi, kultury, navuki, miedyja», zatym «niezaležnyja miedyja i stypiendyi dla studentaŭ».
Śviatłana Cichanoŭskaja pieradała Džordžu Sorasu prapanovy ad biełaruskaj hramadzianskaj supolnaści, miedyja i pravaabaroncaŭ.
«Asobna Cichanoŭskaja paprasiła źviarnuć uvahu na inicyjatyvy ŭ śfiery pašyreńnia biełaruskaj kultury i adukacyi», — paviedamiŭ hałoŭny daradca Śviatłany Cichanoŭskaj Francišak Viačorka.
Kamientary