Na pasiadžeńni Savieta biaśpieki 20 lutaha adnym z dakumientaŭ, vyniesienych na razhlad, staŭ prajekt zakona «Ab narodnym apałčeńni». Alaksandr Łukašenka rastłumačyŭ, navošta ŭ Biełarusi spatrebiłasia stvareńnie narodnaha apałčeńnia.
«Situacyja niaprostaja. Ja ŭžo nie raz kazaŭ: kožny mužčyna (dy i nie tolki mužčyna) pavinien umieć, jak minimum, abychodzicca sa zbrojaj. Choć by dla taho, kab u vypadku nieabchodnaści abaranić svaju siamju, svoj dom, rodny kutok ziamli i, kali spatrebicca, krainu, bieź jakoj nie budzie ni kutka, ni doma, ničoha inšaha. Mnohija heta razumiejuć», — vykazaŭsia Łukašenka.
Pra ideju narodnaha apałčeńnia jon kazaŭ jašče ŭ červieni 2022 hoda.
«Nam na ŭsialaki vypadak treba pry kožnym sielskim saviecie mieć voś hetaje narodnaje apałčeńnie, hrupu ludziej. Ich budzie niašmat. Moža, 50 čałaviek. Ale jany taksama pavinny mieć svaju zbroju dzieści na składzie. My ich pryzyvajem dla navučańnia — jany voźmuć svaje aŭtamaty (u asnoŭnym aŭtamat, hranatamiot, pistalet), kab mahli abaranić svoj dom», — tłumačyŭ jon tady.
U vypadku vajennych dziejańniaŭ atrady narodnaha apałčeńnia, na dumku Łukašenki, zmohuć transfarmavacca ŭ partyzanski ruch.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary