U apošnim kvartale minułaha hoda ŭ Litvie fiksavaŭsia chutki rost dachodaŭ žycharoŭ, siaredni zarobak pavialičyŭsia na 208 i dasiahnuŭ 1844 jeŭra «na papiery» (1153 jeŭra «na ruki»). Adnak rost zarobkaŭ byŭ mienšy za pakazčyk inflacyi, paviedamlaje Delfi.lt.
U čaćviortym kvartale 2022 h. pracoŭnyja dachody žycharoŭ, jakija pracavali poŭny miesiac, u paraŭnańni z tym ža pieryjadam 2022 hoda pavialičylisia na 208 jeŭra i skłali 1844 jeŭra «na papiery». Pracoŭnyja dachody «na ruki» pavialičylisia na 119 jeŭra da 1153 jeŭra.
Naminalny rost zarpłaty byŭ chutkim, ale jon zbolšaha tolki kampiensavaŭ rost cen. Siarednija dachody «na ruki» ŭ čaćviortym kvartale 2022 hoda pavialičylisia na 12%, a hadavaja inflacyja ŭ śniežni 2022 h. była amal 22%».
U 2021 hodzie kožny čaćviorty rabotnik u Litvie atrymlivaŭ zarpłatu mienš za 800 jeŭra, a ŭ 2022 hodzie takim byŭ kožny piaty. Bolšaja častka — kala 43% — atrymlivali dachody ŭ pamiery 1000-2000 jeŭra, 17% — 2000-3000 jeŭra, bolš 3000 jeŭra atrymlivali kala 12% rabotnikaŭ.
U Biełarusi siaredni zarobak za studzień skłaŭ 1915 rubloŭ «brudnymi». Na siońniašnim kursie heta 642 jeŭra.
-
Zialenski: Tańniej nie dać Rasii vyrablać rakiety, čym ratavać enierhasistemu Ukrainy
-
«DNŽ — heta pryvilej, a nie prava». Novaja kiraŭnica Departamienta mihracyi Litvy adkazała na pytańni, aktualnyja i dla biełarusaŭ
-
Zialenski ŭ Davosie: Kali b Jeŭropa dapamahła biełaruskamu narodu ŭ 2020 hodzie, to ŭ Biełarusi siońnia nie było b «Arešnika»
Kamientary