Spačatku ŭ infarmacyi, jakaja ab hetym źjaviłasia ŭ roznych ŚMI, nie było paćviardžeńnia, i avijakampanija ŭchilałasia ad uciamnaha kamientavańnia. Ale ciapier infarmacyju ab prypynieńni palotaŭ łaŭkostara ŭ Kišynioŭ paćvierdzili va ŭpraŭleńni hramadzianskaj avijacyi Małdovy.
Pavodle pradstaŭnikoŭ małdaŭskaj hramadzianskaj avijacyi, z 14 sakavika 2023 hoda avijakampanija Wizz Air prypyniaje ŭsie paloty ŭ i ź mižnarodnaha aeraporta Kišyniova.
«Ułady byli apavieščanyja praz elektronnuju poštu pra hetuju pastanovu, spasłaŭšysia na mierkavańni biaśpieki pavietranaj prastory ŭ rehijonie», — skazana ŭ paviedamleńni ŭpraŭleńnia.
Hetaja situacyja źviazanaja z napružańniem, jakoje apošnim časam skłałasia vakoł Małdovy. Rasijskaja prapahanda nastolki aktyvizavałasia na małdaŭska-prydniastroŭskim kirunku, što ad Maskvy čakajuć pravakacyj až da paŭnavartasnaha ŭciahvańnia ŭ vajnu hetaj nievialikaj krainy.
Kamientary