Ministerstva abarony skončyła pieršyja ŭ hetym hodzie zbory z vajskovaabaviazanymi
Pieršyja zapłanavanyja na 2023 hod zbory z vajskovaabaviazanymi prachodzili ŭ pieryjad z 6 lutaha pa 7 sakavika. Usiaho na ich pryzvali 500 čałaviek, pieradusim śpiecyjalistaŭ pa suviazi. Taksama było «mabilizavana» 27 adzinak techniki.
«Siońnia zaviaršalisia zbory dla vajskovabaviazanych, jakija byli pryzvanyja z vajskovych kamisaryjataŭ horada Minska. Heta pradstaŭniki roznych śfier dziejnaści — bankaŭskija supracoŭniki, rabočyja zavodaŭ, byli dyrektary pradpryjemstvaŭ», — prakamientavaŭ toje, što adbyvajecca, vajskovy kamisar Minska Alaksiej Kałyvanaŭ. Pavodle jaho, na zbory pryzyvalisia jak aficery zapasu, tak i praparščyki, siaržanty i sałdaty.
U toj ža čas raniej źjaŭlałasia infarmacyja, u tym liku i ad aficyjnych asob nakštałt vajskovaha kamisara Kleckaha rajona, što hetym razam na zbory pryzyvajucca ŭ tym liku i ludzi, jakija nie słužyli ŭ vojsku ŭvohule.
U Biełarusi płanavyja vajskovyja zbory pravodziacca štohod, u narodzie ich jašče nazyvajuć pachodam «u partyzany». Padčas zboraŭ mužčyny ŭznaŭlajuć viedy pa vajskovych śpiecyjalnaściach.
Čaściej za ŭsio na zbory traplajuć tyja, chto adsłužyŭ terminovuju słužbu ci skončyŭ vajskovyja kafiedry.
Raniej načalnik upraŭleńnia hałoŭnaha arhanizacyjna-mabilizacyjnaha ŭpraŭleńnia Hienštaba Alaksandr Šalpuk kazaŭ, što ŭ 2023-m na vajskovyja zbory płanujecca pryzvać 9 tysiač čałaviek.
Čytajcie taksama:
Klecki vajenkam: Biarom na zbory najpierš tych, chto nikoli nie słužyŭ, bo kožny abaviazany choć kali adčuć siabie sałdatam
Na zbory vyklikajuć najpierš tych, chto nie słužyŭ
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary