Ciapier Google moža pierakładać tekst z malunkaŭ u internecie
Funkcyja vykarystoŭvaje technałohiju AR Translate ad Google Lens.
Internet-pierakładčyk Google ciapier moža kanviertavać tekst z vyjavaŭ. Jon vykarystoŭvaje tuju ž technałohiju, što i instrumient AR Translate dla Google Lens, jaki vykonvaje pierakłady ŭ realnym časie na smartfonach.
Vy znojdziecie opcyju na veb-sajcie Google Translate, dzie ŭviersie vy ŭbačycie novuju knopku «Vidarysy». Paśla zahruzki fota ci skrynšota z vašaha kampjutara źjaŭlajecca pierakład. Veb-interfiejs źmiaščaje opcyi dla kapijavańnia tekstu, zahruzki pierakładzienaj vyjavy abo jaje vydaleńnia. Akramia taho, jon pieraličvaje 113 dastupnych zychodnych moŭ (moža ich aŭtamatyčna vyznačać) i 133 movy pryznačeńnia.
Engaget tłumačyć, što nadpis «Lens translate» (ci «Pierakładziena z dapamohaj Abjektyva») pad vynikam pierakładu pakazvaje, što tut vykarystoŭvajucca tyja ž «hienieratyŭnyja spabornickija sietki» (GAN), jakija zabiaśpiečvajuć funkcyjanavańnie instrumienta AR Translate dla Google Lens.
Niahledziačy na toje, što Lens daje mahčymaść pierakładać vyjavy na mabilnych pryładach na praciahu ŭžo niekalkich hadoŭ, apošniaja viersija prahramy vykarystoŭvaje technałohiju Magic Eraser, jakaja debiutavała na smartfonach Pixel 6 i jakaja dapamahaje pierakładu vyhladać tak, byccam jon zamianiaje aryhinalny tekst, a nie nakładajecca źvierchu.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary