U Litvie chočuć prypynić pryjom zajaŭ na hramadzianstva ad biełarusaŭ i rasijan
Prapanova takaja zroblena ŭ intaresach nacyjanalnaj biaśpieki, paviedamlaje «Dełfi».
Spynić pryjom zajaŭ na hramadzianstva i pryniaćcie rašeńniaŭ pa im ad hramadzian Biełarusi i Rasii prapanavali ŭ suviazi z vajennaj ahresijaj suprać Ukrainy. Prapanovu zarehistravali členy Siejma, ministr unutranych spraŭ Ahne Biłatajcie i staršynia Kamiteta Siejma pa nacyjanalnaj biaśpiecy i abaronie Łaŭrynas Kaščunas.
Jany taksama prapanujuć vyznačyć vyklučeńni, heta značyć, nie spyniać pryjom zajaŭ i pryniaćcie rašeńniaŭ u vypadkach, kali asoba sama admaŭlajecca ad hramadzianstva Litoŭskaj Respubliki abo kali asoba atrymlivaje hramadzianstva inšaj dziaržavy.
«Hramadzianie Rasii i Biełarusi, jakija ŭžo pražyvajuć u Litvie z časovym abo pastajannym dazvołam na žycharstva, mahli b praciahvać žyć u Litvie, ale ich zajavy ab atrymańni hramadzianstva nie buduć prymacca, i pytańni ab ich hramadzianstvie nie buduć razhladacca, za vyklučeńniem vypadkaŭ, kali asoba admaŭlajecca ad hramadzianstva Litoŭskaj Respubliki abo kali nabyła hramadzianstva inšaj dziaržavy», — kažuć inicyjatary prapanovy.
Prapanavanaja data ŭstupleńnia zakona ŭ siłu — 15 krasavika biahučaha hoda. Termin dziejańnia zakona — adzin hod z mahčymaściu pradaŭžeńnia terminu dziejańnia abmiežavalnych mier.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary