Učora prajšła abłava na advakataŭ, viadoma pra šeść zatrymanych
Siarod zatrymanych — u tym liku advakaty viadomych palitviaźniaŭ.
Pa infarmacyi «Našaj Nivy», učora adbyłasia abłava na advakataŭ. Viadoma pra 6 zatrymanych.
Redakcyi viadomyja imiony niekatorych ź ich, ale pa prośbie advakackaj supolnaści my ich nie ahučvajem.
Cisk na advakataŭ pačaŭsia paśla vybaraŭ u 2020-m. Mnohich pazbavili licenzii za nadumanyja parušeńni ci niedastatkovuju kvalifikacyju, vyklučyli z kalehij advakataŭ. Prava na prafiesiju ŭ Biełarusi pazbavili, naprykład, Siarhieja Zikrackaha, Alaksandra Pylčanku, Ludmiłu Kazak, Michaiła Kiryluka, Antona Hašynskaha, Dźmitryja Łajeŭskaha.
U viadomych palitviaźniaŭ — taho ž Viktara Babaryki, Siarhieja Cichanoŭskaha, Maryi Kaleśnikavaj, Alesia Bialackaha — advakaty mianialisia niekalki razoŭ.
Niekatoryja advakaty apynulisia za kratami. Vitalu Brahincu dali 8 hod kałonii, jaho abvinavacili adrazu pa čatyroch artykułach KK. Sudziać Alaksandra Danileviča za dapamohu Apiejkinu i Hierasimieni — jamu inkryminujuć dapamohu ŭ zaklikach da mier abmiežavalnaha charaktaru (č. 3 art. 361 KK) i sadziejničańnie ekstremisckaj dziejnaści (č. 1 art. 361-4 KK).
Vyroščvaŭ avakada, kajfavaŭ, kali havaryŭ pa-biełarusku. Historyja advakata Vitala Brahinca, jakomu dali 8 hadoŭ kałonii
Advakata Michaiła Makarava asudzili da hoda kałonii za ŭdzieł u akcyi pratestu
«Kali dačce spoŭniłasia 14, prynios joj Kryminalny kodeks». Intervju z advakatam Siarhiejem Zikrackim, jakoha pazbavili licenzii
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami5
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary