paviedamiła namieśnik hienieralnaha dyrektara RUP «Biełfarmacyja» Śviatłana Kruk.
Pavodle jaje słoŭ, rašeńnie pryniata ŭ suviazi z «biesprecedentnym ažyjatažnym popytam nasielnictva na supraćvirusnyja leki». Pry hetym jana adznačyła, što «adhruzka supraćvirusnych lekaŭ u apteki idzie rehularna ŭ vialikich abjomach, ale ŭsio roŭna ažyjatažny popyt nie źnižajecca».
Kruk ličyć, što «treba niejak supakojvać ludziej, bo jany sami sabie škodziać». «My pahladzim na situacyju na hetych vychadnych i prymiem dalejšaje rašeńnie», — skazała jana.
Jak raniej paviedamlałasia, z kanca minułaha tydnia ŭ dziaržaŭnych i pryvatnych aptekach Minska nazirajecca vostry deficyt supraćvirusnych lekavych srodkaŭ i marlevych paviazak. Ludzi masava skuplajuć leki. Pavodle zapeŭnivańnia čynoŭnikaŭ, leki rehularna zavoziacca, ale popyt całkam tak i nie zdavoleny.
Ministerstva achovy zdaroŭja prapanuje aptekach ŭ termin da 5 listapada arhanizavać pracu biez vychodnych i ŭ načny čas. Takaja rekamiendacyja ŭtrymlivajecca ŭ liście, jaki Ministerstva achovy zdaroŭja nakiravała ŭ apteki i upraŭleńni achovy zdaroŭja rajonnych i abłasnych vykankamaŭ. Dakumient «Ab arhanizacyi zachadaŭ prafiłaktyki i lačeńnia siezonnych reśpiratornych infiekcyj» raźmieščany na aficyjnym sajcie ministerstva.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary