Naŭrad ci «ŭ styli NATA». Zachodnija ekśpierty apisali mahčymy scenar budučaha kontrnastupleńnia Ukrainy
Kijeŭ nie kantraluje nieba nad Ukrainaj, u jaho niedastatkova avijatechniki, tamu kontrnastupleńnie pačniecca nie z masiravanaj pavietranaj ataki, a z rakietnych udaraŭ, miarkujuć apytanyja WSJ ekśpierty.
Ukraina naŭrad ci pačnie kontrnastupleńnie sa šturmu «ŭ styli NATA», jaki praduhledžvaje masiravanuju ataku z pavietra z vykarystańniem samalotaŭ i kryłatych rakiet, paviedamlaje The Wall Street Journal sa spasyłkaj na ekśpiertaŭ.
Dla padobnaj ataki ŭ Kijeva niama nieabchodnaj kolkaści źniščalnikaŭ i viertalotaŭ, skazaŭ pałkoŭnik armii ZŠA ŭ adstaŭcy, prafiesar vajskovaha kaledža armii ZŠA Džon Nahł. Da taho ž nivodzin z bakoŭ kanfliktu nie kantraluje pavietranuju prastoru nad Ukrainaj, adznačyŭ jon.
WSJ adznačaje, što ŭkrainskija vajskoŭcy nie raskryvajuć svaich płanaŭ, ale niekatoryja aśpiekty kontrnastupleńnia možna pradbačyć, uličvajučy najaŭnuju ŭ rasparadžeńni USU techniku, u tym liku tuju, jakuju pastaŭlaje Zachad.
Apytanyja vydańniem ekśpierty miarkujuć, što Ukraina raspačnie ataku z vykarystańniem vysokadakładnaj zbroi dalokaha dziejańnia naziemnaha bazavańnia, uklučajučy rakiety i artyleryju. Zatym, ličać surazmoŭcy, uśled pojdzie suchaputny nastup, dzie Kijevu treba budzie sumiaščać savieckija tanki z zachodnimi.
Ministr abarony Vialikabrytanii Ben Uoles u kancy studzienia kazaŭ, što Challenger 2 buduć pieradadzieny Ukrainie da pačatku leta; taksama jeŭrapiejskija krainy paabiacali nakiravać Kijevu Leopard 2 niamieckaj vytvorčaści; pastupleńnie amierykanskich M1 Abrams čakajecca ŭ kancy hetaha hoda, piša WSJ. Paśla hetaha, čakajuć ekśpierty, chutčej za ŭsio, buduć jašče dziasiatki bajavych braniravanych mašyn i bronietransparcioraŭ.
Na dumku prafiesara Sent-Endruskaha ŭniviersiteta ŭ Šatłandyi Filipsa O'Brajena, Kijeŭ moža pasprabavać prasunucca z Zaparožskaj vobłaści ŭ bok Mielitopala i Azoŭskaha mora, a taksama pierarezać suchaputny kalidor, jaki złučaje anieksavany ŭ 2014 hodzie Krym z terytoryjaj Rasii. U kancy lutaha namieśnik načalnika Hałoŭnaha ŭpraŭleńnia raźviedki Minabarony Ukrainy Vadzim Skibicki kazaŭ, što USU pasprabujuć «ubić klin u rasijski front na poŭdni — pamiž Krymam i macierykovaj častkaj Rasii».
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
Ukrainskija ekipažy viartajucca va Ukrainu paśla navučańnia na brytanskich tankach Challenger 2
Vajskovy analityk: rašeńnie rasijskaha kamandavańnia pačać zimovy nastup było pamyłkaj i padarunkam dla Ukrainy
Z sastarełaj taktykaj ničoha nie budzie. Rasijski ekśpiert nazvaŭ pryčyny paražeńniaŭ svajoj armii
Kamientary