Kultura11

94-hadovaja žančyna biez adukacyi pračytała 1658 knih za svajo žyćcio

94-hadovaja žycharka Aŭstralii, jakaja nie atrymała navat školnaj adukacyi, z 14 hadoŭ viała cpis pračytanych knih. Jaje ŭnuk padzialiŭsia z padpisantami ŭ tvitary častkaj jaje čytackaha dziońnika daŭžynioj u 1658 nazvaŭ.

Ben Majers, dyrektar univiersiteckaha kaledža Alfakrucis u Aŭstralii, vyjaviŭ, što jaho 94-hadovaja babula ŭsio žyćcio zapisvała nazvy pračytanych knih. Jana navat pradublavała śpis na pišučaj mašyncy. Majers sfatahrafavaŭ jaho i vykłaŭ frahmienty ŭ svaim akaŭncie ŭ tvitary. «Heta dziŭny archiŭ śviadomaści adnaho čałavieka daŭžynioj amal cełaje stahodździe», — napisaŭ jon.

Siamja žančyny ŭciakła ź Juhasłavii ŭ 1945 hodzie. Spačatku jany žyli ŭ Hiermanii, zatym pierabralisia ŭ Aŭstraliju. Babula Majersa tak i nie skončyła škołu, ale pry hetym viedała čatyry movy: sierbskuju, vienhierskuju, anhlijskuju i niamieckuju.

Kab paśpieć pračytać 1658 knih za 80 hadoŭ, joj daviałosia b čytać jak minimum pa dźvie knihi na miesiac.

Majers apublikavaŭ dla padpisčykaŭ frahmient ź miemuaraŭ babuli, u jakim jana ŭspaminaje pra ŭcioki ŭ Hiermaniju. U toj čas jany žyli na fiermie, dzie im nienadoŭha dazvolili spynicca haspadary. 17-hadovaja dziaŭčynka navat tady, niahledziačy na niahody paślavajennaha času, imknułasia da viedaŭ i čytała ŭsio, da čaho mahła daciahnucca.

«Ja chacieła chutčej asvoić niamieckuju i čytała siakija-takija knihi ŭsłych svajoj maci. Pamiataju ramany Dastajeŭskaha i Dziuma. Adnojčy znajšła maleńkuju knihu, schavanuju ŭ ścianie. Haspadary fiermy nie viedali pra jaje i skazali, što ja mahu pakinuć jaje sabie. Heta akazałasia niamieckaje vydańnie «Samaje vialikaje ŭ śviecie» Hienry Drumanda. Ja palubiła jaho i pieračytvała šmat razoŭ. Ja vyrašyła prosta tam i tady, što pabuduju svajo žyćcio na hetaj knizie», — zhadvała žančyna.

Publikacyja Majersa nabrała ŭ tvitary kala 80 000 łajkaŭ i 4,5 miljona prahladaŭ. Padpisčyki vykazali svaju pavahu babuli aŭtara i zachapilisia jaje luboŭju da čytańnia, niahledziačy na adsutnaść adukacyi.

Kamientary1

  • Hov
    03.04.2023
    Škoła heta zło.

Ciapier čytajuć

Tryvožny zvanočak — patreba vypić zranku. Narkołah raskazaŭ, jak zrazumieć, što vy ałkaholik4

Tryvožny zvanočak — patreba vypić zranku. Narkołah raskazaŭ, jak zrazumieć, što vy ałkaholik

Usie naviny →
Usie naviny

Kali mašyny buduć kantralavać usio, ci nie pačnuć jany ŭrešcie kantralavać i tych, chto pry ŭładzie?7

Łukašenka nazvaŭ Nobieleŭskuju premiju dyskredytavanaj i padtrymaŭ vyłučeńnie Trampa na jaje1

«Ja vielmi zły z-za hetaha. Pieradaj Słavakii». Tramp adkazaŭ Orbanu na jahonuju skarhu na ŭkraincaŭ6

Z raźlikovych rachunkaŭ biełarusaŭ budzie ciažej śpisać hrošy biez zhody ŭładalnika

Tyktokier nabraŭ paŭmiljona prahladaŭ, zapościŭšy łuchtu pra biełaruski cukar4

Raźvitańnie ź Jarasłavam Jeŭdakimavym adbudziecca ŭ Minsku

«Usio, prypłyli». Biełarusy sutyknulisia z masavymi prablemami ŭ vykarystańni PayPal1

«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ18

Vyklučeńnie Dana Holdings z sankcyjnaha śpisu ZŠA nie źviazanaje z «mirnymi pieramovami»

bolš čytanych navin
bolš łajkanych navin

Tryvožny zvanočak — patreba vypić zranku. Narkołah raskazaŭ, jak zrazumieć, što vy ałkaholik4

Tryvožny zvanočak — patreba vypić zranku. Narkołah raskazaŭ, jak zrazumieć, što vy ałkaholik

Hałoŭnaje
Usie naviny →

Zaŭvaha:

 

 

 

 

Zakryć Paviedamić