Pieralik AZS, na jakich mohuć zapraŭlacca hruzaviki z numarami Jeŭrasajuza, staŭ jašče karaciejšym. Heta praduhledžana pastanovaj urada, apublikavanaj na Nacyjanalnym pravavym partale.
U mai minułaha hoda siarod mier u adkaz na sankcyi Jeŭrasajuza biełaruskija ŭłady abaviazali kiroŭcaŭ fur z numarami krain Jeŭrasajuza zapraŭlacca tolki na vyznačanych AZS. U śpis uvajšło 15 zapravak pablizu 10 punktaŭ propusku, pobač ź jakimi arhanizavana pieračepka hruzaŭ. Na takich AZS ustanoŭleny śpiecyjalnyja ceny na paliva, bolšyja, čym na zvyčajnych zapraŭkach.
Ciapier u hetym śpisie zastajecca ŭsiaho vosiem zapravak: pa dźvie AZS dla hruzavikoŭ, jakija zajazdžajuć praz punkt propusku «Kazłovičy», a taksama «Pryvałka» i «Vidzy». Pa adnoj zapraŭcy praduhledžana dakumientam dla punktaŭ propusku «Bieniakoni» i «Bierastavica».
Za zapraŭku jeŭrapiejskaha hruzavika ŭ inšych, nie pryznačanych dla hetaha miescach, praduhledžany štrafy ad 2 da 100 bazavych vieličyń (na hety momant bazavaja — 37 rubloŭ).
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary