Novaja fejkavaja «rassyłka ad «Bajpoła». Prapanujuć pravieryć, ci jość ty ŭ bazie HUBAZiKa, a nasamreč źbirajuć vašy danyja
Imavierna, jaje ŭčynili śpiecsłužby Biełarusi. Jana moža całkam zdeananimizavać vaš akaŭnt, kali vy skarystajeciesia botam.
Čarhovaja rassyłka adbyvajecca z pustych, niadaŭna zarehistravanych akaŭntaŭ pa rajonnych i dvaravych čatach. Jana častkova kapiruje niadaŭniuju rassyłku «Bajpoła», dzie prapanoŭvałasia pravieryć vaš akaŭnt. Ale kantakty ŭ joj niesapraŭdnyja.
«Bajpoł» užo paćvierdziŭ, što nie maje da jaje dačynieńnia.
Čym niebiaśpiečna fejkavaja rassyłka?
Padčas zapusku bota vy aŭtamatyčna addajacie ID vašaha akaŭnta, a paśla vam prapanujuć padzialicca numaram telefona. Kali vy addajacie im numar, to jon aŭtamatyčna zanosicca ŭ bazu siłavikoŭ.
Kali vy sapraŭdy ŭdzielničajecie ŭ niejkich čatach i «za miažoj», to bot prapanuje vam terminova źviarnucca pa niesapraŭdnym adrasie «Bajsoł», kab vyciahnuć z vas dadatkovyja źviestki.
Jak abaranicca ad takich botaŭ?
Pa-pieršaje, nie naciskajcie na bot impulsiŭna i pierapraviercie, ci isnuje takaja rassyłka, pa inšych kanałach. Pra publičnyja spasyłki zaŭždy spačatku paviedamlaje sapraŭdny kanał inicyjatyvy.
Pa-druhoje, nie addavajcie nijakim botam vaš numar telefona. Nivodny ź viadomych sapraŭdnych botaŭ jaho nie patrabuje.
Pa-treciaje, zaŭždy pierapraviarajcie kantakty na aryhinalnych resursach i pišycie tolki pa ich.
«Naša Niva» — bastyjon biełaruščyny
PADTRYMAĆCiapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»12
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3535
Kamientary