U Biełarusi z hetaha hoda skaracili terminy rehistracyi na centralizavanaje teściravańnie, paviedamiŭ dyrektar Respublikanskaha instytuta kantrolu viedaŭ Juryj Miksiuk.
«Terminy rehistracyi na centralizavanaje teściravańnie sioleta krychu skaročanyja. Kali ŭ raniejšyja hady pracedura prachodziła z 2 traŭnia da 1 červienia, to sioleta jana startuje z 10 traŭnia», — cytuje Juryja Miksiuka BiełTA.
Na dumku dyrektara RIKV, abituryjentam chopić času dla rehistracyi na CT.
«Hetych terminaŭ całkam dastatkova, pakolki technałohija rehistracyi źviedała raźvićcio. Zastajecca forma papiarednie-dystancyjnaj rehistracyi praz sajt RIKV. Možna źviarnucca ŭ najbližejšy punkt teściravańnia i zarehistravacca dla ŭdziełu ŭ CT u lubym punkcie pa krainie», — adznačyŭ Miksiuk.
Čynoŭnik ad adukacyi taksama źviarnuŭ uvahu na toje, što značnaja častka vyprabavańniaŭ udzielnikami budzie projdzienaja ŭžo na etapie centralizavanaha ekzamienu.
U suviazi z hetym jašče adna asablivaść hetaha hoda ŭ tym, što nie budzie zdvojenych dzion zdačy CT pa takich pradmietach, jak ruskaja mova i matematyka, «kali nazirałasia vialikaja kolkaść udzielnikaŭ i treba było zabiaśpiečyć im kamfortnyja ŭmovy».
Kamientary