MUS: 30% ludziej, abvieščanych u vyšuk u Biełarusi, chavajucca ŭ Rasii
Amal 30% ludziej, abvieščanych u vyšuk biełaruskaj milicyjaj, chavajucca na terytoryi Rasii, zajaviŭ kiraŭnik biełaruskaha MUS Ivan Kubrakoŭ u Maskvie na sumiesnaj kalehii ministerstvaŭ unutranych spraŭ 18 krasavika, paviedamlaje Mlyn.by.
Pa słovach Kubrakova, «asablivuju niebiaśpieku ŭjaŭlajuć tyja, chto znachodzicca ŭ vyšuku za ŭčynieńnie ekstremisckich abo terarystyčnych złačynstvaŭ, jakija majuć dačynieńnie da niezakonnych uzbrojenych farmiravańniaŭ i mižnarodnych złačynnych hrup».
Padčas vystupu Kubrakoŭ adznačyŭ, što ministerstvy ŭnutranych spraŭ Biełarusi i Rasii ŭžo «adpracavali taktyku i mietodyku vyjaŭleńnia i zatrymańnia asobaŭ, jakija znachodziacca ŭ miždziaržaŭnym vyšuku» i padkreśliŭ, što «nie pavinna być pieraškodaŭ dla vydvareńnia ŭ krainu hramadzianskaj prynaležnaści tych, chto chavaŭsia i byŭ zatrymany na terytoryi Sajuznaj dziaržavy».
Ciapier u Miždziaržaŭnym infarmacyjnym banku, sfarmavanym na bazie Hałoŭnaha infarmacyjna-analityčnaha centra MUS Rasii, znachodzicca bolš za 83,5 tysiačy čałaviek, abjaŭlenych u vyšuk rasijskim bokam, i kala 8 tysiač — biełaruskim, raspavioŭ kiraŭnik rasijskaha MUS Uładzimir Kałakolcaŭ. Pavodle jaho, z pačatku 2022 hoda na terytoryi Rasii zatrymali kala 900 čałaviek, jakija chavalisia ad pravaachoŭnych orhanaŭ Biełarusi.
Kubrakoŭ taksama raspavioŭ, što kala 43% źnikłych bieź źviestak u rozny čas i pa roznych pryčynach vyjechali ŭ Rasiju. Pavodle Kałakolcava, za 2022 hod ustanoŭleny los kala 350 źnikłych bieź źviestak hramadzian Biełarusi.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary