Štab Viktara Babaryki ŭdakładniŭ čutki pra špitalizacyju ŭ balnicu Navapołacka svajho lidara. Im udałosia paćvierdzić hetuju infarmacyju. Ale inšyja padrabiaznaści pakul nie viadomyja.
U Navapołackaj centralnaj haradskoj lakarni žurnalistam «Radyjo Svaboda» taksama paćvierdzili, što Viktar Babaryka znachodzicca ŭ ich. «Babaryka ŭ chirurhii», — adkazali ŭ špitali bieź inšych akaličnaściaŭ.
Učora «Rabočy ruch» raspaŭsiudziŭ infarmacyju pra toje, što były kiraŭnik Biełhazprambanka i ŭdzielnik vybarčaj kampanii trapiŭ u balnicu.
Śviatłana Cichanoŭskaja vystupiła z zajavaj nakont hetaha.
«My patrabujem publična prademanstravać u jakim jon [Babaryka] stanie. My patrabujem dopusku advakataŭ i svajakoŭ da jaho.
Lubyja inšyja dziejańni buduć traktavacca jak naŭmysnaje pryčynieńnie škody žyćciu i zdaroŭju», — napisała Cichanoŭskaja ŭ svaim telehram-kanale.
Viktar Babaryka ciapier u navapołackaj kałonii. Jon byŭ zatrymany 18 červienia 2020 hoda. U lipieni 2021 hoda jamu prysudzili 14 hod kałonii — pa artykułach 235 (lehalizacyja srodkaŭ, atrymanych złačynnym šlacham) i 430 (atrymańnie chabaru).
Z apoviedaŭ inšych palitviaźniaŭ viadoma, što z Babarykam im zabaraniajuć kamunikavać. Pracavać jaho pastavili na vypalvańnie draŭnianaha vuhalu. Hetaja praca ličycca adnoj z samych ciažkich u kałonii.
Z 9 lutaha pra jaho niama infarmacyi.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary