«Ja prašu vas, zastavajciesia ludźmi». Śviatłana Cichanoŭskaja vykazałasia ab prysudzie Ramanu Pratasieviču
Siońnia ŭ Minsku byŭ vyniesieny prysud pa spravie Nexta. Ramanu Pratasieviču pryznačyli 8 hadoŭ kałonii ŭzmocnienaha režymu, adnak pad vartu da razhladu apielacyi nie ŭziali. Ściapanu Puciłu i Janu Rudziku zavočna dali 20 hadoŭ i 19 hadoŭ adpaviedna.
Śviatłana Cichanoŭskaja prakamientavała prysud Ramanu Pratasieviču:
«Ci zastalisia my viernyja svaim kaštoŭnaściam? Hety prysud — heta jašče i pravierka dla ŭsich nas, bo kaštoŭnaści, na jakich budujecca demakratyčny ruch, takija:
— nichto nie pavinien być asudžany pa palityčnych matyvach;
— nichto nie pavinien prachodzić praz katavańni;
— ničyjo žyćcio nie pavinna być pradmietam handlu.
Tamu siońnia ja prašu kožnaha biełarusa i kožnuju biełarusku: pahladzicie na siabie, ci zastalisia vy viernyja svaim kaštoŭnaściam? Bo bieź ich my ryzykujem stać padobnymi da pomślivaha, biesčałaviečnaha režymu.
Ja prašu vas, zastavajciesia ludźmi.
My vystupajem za demakratyju i za toje, što ŭsie roŭnyja pierad zakonam. My vystupajem nie za pomstu, a za spraviadlivaść. Tamu kožny, chto zaraz ździajśniaje złačynstvy suprać čałaviečnaści ŭ Biełarusi, pavinien paŭstać pierad sudom. Ale heta musić być niezaležny i prafiesijny sud.
A na hety i luby inšy prysud možna adkazać tolki adno: usie biełarusy, jakija pieraśledujucca pa palityčna matyvavanych spravach, pavinny vyjści na volu. Z mnohimi ź ich u nas niama suviazi niekalki miesiacaŭ. Ad nas usio jašče chavajuć infarmacyju pra stan Viktara Babaryki, Siarhieja Cichanoŭskaha, Ihara Łosika i sotniaŭ inšych palitviaźniaŭ. Da kožnaha ź ich pavinny dapuścić advakataŭ i svajakoŭ.
Svabodu kožnamu i kožnaj», — skazała Śviatłana Cichanoŭskaja.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
tam błaha było z hukam... i jana takimi złymi vačyma hladzieła na ich i sprabavała adabrać mikrafon
Jedź u Rasiju, tam ty svoj.