Mižnarodny alimpijski kamitet pracuje, kab viarnuć biełarusaŭ i rasijan na mižnarodnyja spabornictvy, niahledziačy na reakcyju
Prezident Mižnarodnaha alimpijskaha kamiteta (MAK) Tomas Bach zajaviŭ u subotu, što MAK pracuje nad tym, kab dapamahčy spartsmienam z rasijskimi i biełaruskimi pašpartami viarnucca na mižnarodnyja spartyŭnyja mierapryjemstvy, piša China Daily.
«My znachodzimsia ŭ vielmi ciesnym supracoŭnictvie i abmienie dumkami ź mižnarodnymi fiederacyjami, jakija na hety momant niasuć adkaznaść za praviadzieńnie svaich spabornictvaŭ, i my vielmi spadziajomsia, što hetaja misija zatym moža być vykanana pry tych umovach, jakija byli vyznačanyja, što spartsmieny z hetych dźviuch krain pavinny ŭziać udzieł u niejtralnym statusie, tak što my sapraŭdy možam abjadnać uvieś śviet z dapamohaj niekalkich čałaviek na Alimpijskich hulniach u Paryžy», — skazaŭ jon.
Bach pryznaŭ, što isnuje ryzyka palityzacyi hetaha rašeńnia.
«Vy viedajecie zajavy ŭradaŭ, jakija chočuć vyrašać, chto ź ludziej moža ŭdzielničać u Alimpijskich hulniach, mižnarodnych spartyŭnych spabornictvach, a chto nie, — prakamientavaŭ jon. — My pavinny być vielmi ćviordyja ŭ tym, što hetyja rašeńni pavinny prymacca adkaznymi spartovymi arhanizacyjami».
«Ja baču, što ŭrady majuć prava vykazvać svaju pazicyju. Ale jany taksama razumiejuć, što luby vid bajkotu tolki pakaraje ich ułasnych spartoŭcaŭ i pazbavić ich narod mahčymaści hanarycca svaimi spartoŭcami za ich alimpijskija vystupy», — dadaŭ Bach.
Raniej MAK vystupaŭ za dopusk biełarusaŭ i rasijan na spabornictvy pad niejtralnym ściaham, ale tolki ŭ indyvidualnych vidach sportu.
MAK vystupiŭ za dopusk biełarusaŭ na spabornictvy pad niejtralnym ściaham, ale tolki ŭ indyvidualnych vidach sportu
Kiraŭnik MAK Tomas Bach — za dostup spartsmienaŭ ź Biełarusi i Rasii da Alimpijskich hulniaŭ — 2024 u Paryžy
Ukraina, Polšča i krainy Bałtyi źviarnulisia da MAK z zaklikam nie davać palohki rasijskim i biełaruskim spartsmienam
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary