Biełarus Uładzisłaŭ Pramaŭ staŭ pieramožcam Hutenbierhskaha marafona 2023 hoda, jaki pravodzicca ŭ niamieckim horadzie Majncy.
Naš suajčyńnik pieraadoleŭ dystancyju za 2 hadziny 17 chvilin 14 siekund, paviedamlaje «Narodnaja Vola».
Druhoje miesca ŭ marafonie zaniaŭ Patryk Erenh z Kienii, jaki pakazaŭ čas 02:19:13, a treciaje — Ivan Siurys z Małdovy, jaki prybieh da finišu za 02:23:40.
Uładzisłaŭ Pramaŭ — udzielnik Alimpijskich Hulniaŭ u Rya-de-Žaniejra ŭ 2016 hodzie, udzielnik Kubka Jeŭropy ŭ biehu na 10000 m 2017 hoda (11 miesca ŭ asabistym i 5 miesca ŭ kamandnym zaliku), pieramožca Kubka Biełarusi 2017 hoda ŭ biehu na 5000 m, pieramožca čempijanatu Biełarusi 2017 hoda ŭ biehu na 10000 mietraŭ. Ciapier vykładaje ŭ Minskim haradskim centry alimpijskaha reziervu pa lohkaj atletycy.
Jak paviedamili arhanizatary Hutenbierhskaha marafonu, za biehunoŭ baleli kala 35000 hledačoŭ. Poŭnuju marafonskuju dystancyju praciahłaściu kala 42 kiłamietraŭ zaviaršyli kala 900 spartsmienaŭ.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary