Padbitaja ŭkraincami rasijskaja samachodka stała ekspanatam Muzieja Vojska ŭ Biełastoku
Artyleryjskaja samachodnaja haŭbica rasijskaj armii była padbitaja va Ukrainie ŭ 2022 hodzie. Takuju techniku masava vykarystoŭvali rasijanie, kali «za try dni» chacieli zachapić Kijeŭ.
Samachodnuju haŭbicu 2S19 MSTA-S raspracavali ŭ 1989 hodzie ŭ kanstruktarskaj hrupie zavoda «Urałtransmaš», što ŭ Jekaciarynburhu. Upieršyniu jaje pakazali šyrokaj publicy ŭ 1992 hodzie. Paźniej harmatu madyfikavali. Jaje ekipaž składajuć 5 čałaviek, a bojekamplekt — 50 snaradaŭ.
Takija samachodki, u tym liku madernizavanyja, stanavilisia trafiejami ŭkraincaŭ, a źniščanyja traplali na staronku medyja jak dokazy niaŭdałaha nastupu na stalicu Ukrainy, a taksama ekspanavalisia na vystavach.
Adna z takich samachodak užo staić na terytoryi Vajskovaha parka ŭ Biełastoku. Vaha harmaty 35 ton.
«Heta pieršy z ekspanataŭ u Vajskovym parku, źviazanych z žorstkaj ahresijaj suprać niezaležnaj Ukrainy. Nieŭzabavie my źbirajemsia pradstavić vam bolš abstalavańnia, źviazanaha z hetaj biessensoŭnaj vajnoj», — paviedamlaje biełastocki Muziej Vojska.
Pakul na harmatu, pakrytuju nalotam iržy i miescami skarežanuju strełam, možna pahladzieć praz aharodžu. Dostup niepasredna da samachodki budzie adkryty ŭ Noč muziejaŭ 13 maja.
Muziej Vojska ŭ Biełastoku znachodzicca na vulicy Węglowej, 3 pobač z Muziejem achviar Sibiry.
Letaś u Varšavie takaja harmata była adnym z ekspanataŭ na vystavie źniščanaj va Ukrainie rasijskaj techniki. Na vystaŭlenaj tady samachodnaj haŭbicy była bačnaja litara «O». Heta aznačała, što jana była zadziejničanaja rasijanami ŭ bajach na Sumskim napramku, a padbili jaje ŭ horadzie Traścianiec u Sumskaj vobłaści.
Rasijskaja armija ŭvarvałasia va Ukrainu 24 lutaha 2022 hoda. Rasija z pačatku vajny straciła bolš za 10 tysiač adzinak bajavoj techniki. Amal piatuju častku strat składajuć tanki — ich u Rasii stała mienš na 1928 štuk, ź jakich 554 zachapili USU. BMP rasijskaja armija straciła 2284, ź ich 610 dastalisia ŭkrainskamu boku, bronietransparcioraŭ — 304, ź ich 93 zachoplena.
«Naša Niva» — bastyjon biełaruščyny
PADTRYMAĆHladzicie taksama:
Źbićciom «Kinžała» ŭkraincy paćvierdzili na praktycy toje, što było hipotezaj — ZŠA
Rasijanie atakavali Kijeŭ «Šachiedami». Usie varožyja drony byli źbityja
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary