Alaksandr Łukašenka ŭčora niečakana vyjechaŭ na parad u Maskvu. Mierapryjemstvy ŭ Minsku terminova pierahladzieli.
Akramia Łukašenki, u Maskvu pryjechali kiraŭniki Kazachstana, Kyrhyzstana, Tadžykistana, Uźbiekistana, Turkmienistana i Armienii.
Źviartaje na siabie ŭvahu toj fakt, što Łukašenka nie pačapiŭ «hieorhijeŭskuju stužku», jak heta zrabiŭ Pucin ci prezident Tadžykistana Rachmon. Zamiest jaje jon prymacavaŭ stužku ŭ kolerach dziaržaŭnaha ściaha Biełarusi. Tak ža zrabili prezident Uźbiekistana Šaŭkat Mirzijojeŭ i prezident Kyrhyzstana Sadyr Žaparaŭ. Prezident Kazachstana Takajeŭ i premjer Armienii Pašynian nie pačapili nijakich stužak.
U svajoj pramovie na Krasnaj płoščy Pucin vystupiŭ z tradycyjnaj rytorykaj. Jon nazvaŭ kijeŭski režym złačynnym. Ukrainski narod, pavodle jaho, staŭ zakładnikam dziaržaŭnaha pieravarotu i płanaŭ Zachadu. U hetym Pucin bačyć pryčynu ciapierašniaj katastrofy va Ukrainie. Meta praciŭnikaŭ Rasii, miarkuje Pucin, — razburyć jaje.
Pachvalicca pieramohami, naprykład, zachopam Bachmuta, Pucinu nie ŭdałosia.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary