Hetaje asobnaje śpiecpadraździaleńnie składajecca ź vieteranaŭ vajskovaha śpiecnaza i zvyčajnych achvotnikaŭ polskaj nacyjanalnaści. Padparadkoŭvajecca jano napramuju Minabarony Ukrainy.
Va Ukrainie aficyjna ŭstupiŭ u vajennyja dziejańni Polski dobraachvotnicki korpus (PDK) — asobnaje dyviersijna-vyviedvalnaje śpiecpadraździaleńnie, jakoje składajecca ź vieteranaŭ Uzbrojenych sił Polščy i inšych polskich dobraachvotnikaŭ, jakija da hetaha vajavali ŭ składzie inšych ukrainskich farmavańniaŭ.
Pra pačatak svajoj dziejnaści PDK paviedamiŭ 10 maja ŭ telehram-kanale.
U svaim paviedamleńni polskija dobraachvotniki raspaviali pra pieršaje paśpiachovaje bajavoje zadańnie na arechaŭskim napramku ŭ Zaparožskaj vobłaści Ukrainy, padčas jakoha nie panieśli nijakich strat.
«Apieracyja pravodziłasia sumiesna z USU i bajcami Ruskaha dobraachvotnickaha korpusa (RDK). Zadača była vykanana z honaram i biez strat. Heta było naša pieršaje zadańnie, i našy chłopcy byli vysoka acenieny kamandavańniem», — raskazali polskija dobraachvotniki.
Taksama bajcy PDK dziejničajuć i pad Bachmutam, pra što pakul u korpusie vyrašyli nie raskryvać padrabiaznaściaŭ.
Nahadajem, što jašče ŭ lutym źjaviłasia infarmacyja ab płanach stvareńnia asobnaha polskaha śpiecpadraździaleńnia va Ukrainie, jakoje było b padobnaje pa svaim charaktary da biełaruskaha pałka Kalinoŭskaha.
Kolki čałaviek ustupiła ŭ korpus, nie paviedamlajecca.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
Ukraincam (asabliva uładam) nia treba zabyvać pra heta!