Para z Hrodna pierajechała ŭ Polšču i zarablaje hrošy zdymkami filmaŭ dla darosłych
Lera i Andrej viaduć sumiesny biznes užo try hady. U minułym hodzie jany pierajechali ŭ Polšču, dzie hety zaniatak lehalny. Maładyja ludzi ščyra raspaviali pra toje, jak ich dziejnaść usprymajuć znajomyja, pra zarobki i asablivaści pracy.
Z hierojami znajomić novy vypusk jutub-kanała «Biełarusy mohuć».
Andrej zaŭvažaje, što na pytańnie, kim pracuje, adkazvaje, što ŭ IT. Lera nie saromiejecca pryznacca svaim ravieśnikam, jak zarablaje na žyćcio. Ale ŭ pryncypie, usie novyja znajomstvy ŭ pary niejkim čynam źviazanyja sa śfieraj vyrabu filmaŭ dla darosłych.
Akramia zdymak ułasnych rolikaŭ, Andrej zajmajecca pradakšnam, viadzieńniem peŭnych placovak, prasoŭvańniem siabie i svajoj žonki.
Chłopiec aznačaje, što ŭ hetym biznesie ŭžo kala šaści hadoŭ. Lera — kala troch.
Pa ŭspaminach dziaŭčyny, joj z padletkavaha ŭzrostu była cikavaja tema porna i veb-kam.
«U mianie było šmat roznych fotasiesij. U tym liku niu. Ja zaŭsiody lubiła i lublu svajo cieła. Mnie padabałasia jaho pakazvać, jaho fatahrafavać, zdymać videa. U vyniku, kim chacieła, tym i stała», — havoryć dziaŭčyna.
Jana pryhadvaje, što paznajomiłasia z Andrejem vypadkova. Jana vučyłasia na cyrulnika i joj patrebnyja byli madeli dla praktyki. I jana ich šukała ŭ Dajvinčyku (prahrama-robat, jakaja pracuje na płatformach znajomstvaŭ). Tam jany i paznajomilisia. Niekalki razoŭ sustrelisia.
«Praź niekalki dzion, bo i jamu, i mnie heta cikava, na hetuju temu pačalisia razmovy. My vyrašyli pasprabavać», — dzielicca ŭspaminami Lera.
Pieršyja zdymki adbyvalisia na telefon i zdymali vyklučna dla siabie. Paźniej para vyjechała ŭ Ispaniju, dzie i apublikavała pieršaje videa ŭ internecie. Ciapier maładyja ludzi žyvuć u Polščy.
Andrej adznačaje, što śfiera porna — heta daloka nie lohkija hrošy: «Niekatoryja ličać, što źniaŭ videa na telefon, vykłaŭ i zarabiŭ miljony, to heta tak nie pracuje. Kab na hetym zarablać hrošy, treba realna pracavać. Ale tut dobra toje, što, čym bolš sił układzieš, tym bolšuju addaču atrymaješ.
Kab u ciabie byŭ narmalny zarobak, ty pavinien pracavać jak na narmalnaj pracy, a nie dźvie hadziny na tydzień, jak niekatoryja, chto prychodzić u hetuju śfieru. Treba zajmacca prasoŭvańniem, rychtavacca da zdymak. Navat sam praces pavinien być z ulikam taho, jak heta vyhladaje na kamieru».
Pa słovach Andreja, kali jany sami zdymajuć videa dla śpiecyjalnych płatformaŭ, to adzin rolik prynosić kala 50-100 dołaraŭ u pieršy miesiac. Dalej jon budzie davać pasiŭny dachod. Situacyja padobnaja na jutub. Videa moža «strelić». U pary niekalki videa nabrała bolš za miljon prahladaŭ.
Raniej Lera pracavała na OnlyFans. Adzin z danataŭ skłaŭ dźvie z pałovaj tysiačy dołaraŭ. «Ale treba da zdymak vielmi adkazna padychodzić. Układacca ŭ rekłamu», — adznačaje dziaŭčyna.
Andrej kaža, što ŭ jaho niama reŭnaści da svajoj žonki:
«Što takoha ŭ tym, što niechta jaje bačyć hołaj? Jość madeli ŭ prafiesijnym porna, u jakich jość muž, dzieci, a jana zdymajecca. A muž čakaje jaje na placoŭcy dla zdymak. My ž zdymajemsia tolki sami. Nie mianiajemsia partniorami», — tłumačyć chłopiec.
Pa słovach maładych ludziej, jany nie bajacca, što niechta sa znajomych ubačyć ich roliki. Lera zaŭvažaje, što jaje mama viedaje pra zaniatak dački.
«U mianie ź joj dobryja adnosiny. Ja joj pastajanna ŭsio raskazvała. A voś pra svoj zaniatak raskazała nie adrazu. Ale, jak mnie zdajecca, jana zdahadvałasia. Tamu što jana lubić sačyć za mnoj u sacyjalnych sietkach. Vypadkova jana znajšła maju pracoŭnuju sacyjalnuju sietku. I tam byli dastatkova adkrytyja (u miežach Instagram) zdymki. Kali ja joj raskazała, jana narmalna pastaviłasia».
Dziaŭčyna taksama zapeŭnivaje, što nikoli ad znajomych nie čuła ničoha admoŭnaha ŭ svoj adras: «Było navat takoje, što ŭ Instagram z ananimnych akaŭntaŭ pisali, što sa mnoj razam vučylisia, ty takaja małajčyna, žadaju pośpiechaŭ. Viedaju, što abmiarkoŭvali pamiž saboj».
Andrej nie razumieje, čamu ŭ niekatorych krainach praciahvaje isnavać zabarona na zdymki porna.
«Źniali videa. Usim jość 18 hadoŭ. Usio adbyłosia pa ŭzajemnaj zhodzie. Ni ŭ jakim razie nielha być pjanym, pad uździejańniem narkotykaŭ. Kali ty vyhružaješ videa, ty robiš dakumienty, padpisvaješ. Kožny akcior fatahrafujecca z dakumientami. Čamu heta zabaroniena? Heta nikomu nie niasie škody.
Sieryjały, filmy pakazvać, jak zabivajuć ludziej, možna. Pakazvać, jak napivajucca, možna. Seks — adrazu ŭsio kvadracikami. Chacia, u pryncypie, kožny čałaviek zajmajecca seksam. Mahčyma, jość toj, chto im nie zajmajecca (manachi, naprykład).
Ale ŭ cełym heta fizijałohija. U hetym niama ničoha haniebnaha. Heta sposab razmnažeńnia i sposab zadavalnieńnia. Tamu, na moj pohlad, zabaraniać parnahrafiju vielmi dziŭna. U Polščy parnahrafija lehalnaja. Zabaroniena raspaŭsiudžvać dla dziaciej i zdymać dziaciej», — vykazvajecca Andrej.
Chłopiec raspaviadaje, što siarod pornaakcioraŭ šmat i biełarusaŭ. Niekatoryja ź ich majuć zvyš miljona prahladaŭ.
«Navat u Polščy vielmi šmat ź Biełarusi. My viedajem kala piaci par. Jość ruskamoŭnyja kamjunici, dzie možna znajści. My tam znajomimsia ŭ ramkach pradakšna.
Kali ŭziać rejtynh amatarskaha porna, to pieršyja pazicyi zajmajuć ruskamoŭnyja.
Kali ŭziać amierykancaŭ, to ŭ ich našmat horšaja jakaść. Jany nie zamaročvajucca sa zdymkami. Ale heta, chutčej, źviazana z tym, što tyja, chto vykładvaje roliki, robiać heta pa prykole. Našyja ž ludzi heta robiać u raźliku na zarobak. «Baču hrošy — baču šlach». Tamu treba pavyšać jakaść i staracca».
«Dla nas porna — heta całkam biznes», — reziumuje Andrej.
Čytajcie jašče:
Porna ŭ roznych krainach Jeŭropy: u čym adroźnieńnie
Na Netflix vychodzić novy dakumientalny film pra hihanta porna-industryi Pornhub
Što parnahrafija robić ź dziciačym mozham i jak zrabić, kab jana nie traplała da padletkaŭ
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan8
Kamientary