UCU śćviardžajuć, što źniščanyja amal 200 tysiač rasijskich vajskoŭcaŭ
Rasija ŭ vajnie suprać Ukrainy ŭžo straciła amal 200 000 vajskoŭcaŭ, 3762 tanki, 3150 artyleryjskich sistem i 7348 bajavych braniravanych mašyn. Pra heta Hienštab USU paviedamlaje ŭ fejsbuku.
Hienštab USU pryvodzić nastupnyja ličby:
- ahulnyja bajavyja straty praciŭnika z 24.02.22 pa 16.05.23 aryjencirovačna skłali:
- asabovaha składu — kala 199 980 (+520 za sutki) čałaviek likvidavana,
- tankaŭ — 3762 (+3) adzinak,
- bajavych braniravanych mašyn — 7348 (+12) adzinak,
- artyleryjskich sistem — 3 150 (+13) adzinak,
- RSZA — 562 (+0),
- srodkaŭ SPA — 316 (+0),
- samalotaŭ — 308 (+0),
- viertalotaŭ — 294 (+0),
- BPŁA apieratyŭna-taktyčnaha ŭzroŭniu — 2732 (+12),
- kryłatych rakiet — 973 (+0),
- karabloŭ / kataraŭ — 18 (+0)
- aŭtamabilnaj techniki i aŭtacysternaŭ — 6048 (+14),
- śpiecyjalnaj techniki — 410 (+3).
Na pačatku maja Bi-bi-si i «Miedyjazona» na asnovie adkrytych krynic ustanavili imiony 21700 rasijskich vajskoŭcaŭ, jakija zahinuli va Ukrainie. Žurnalisty zaznačali, što śpis moža ŭtrymlivać prynamsi ŭ dva razy mienš imionaŭ zahinułych, čym nasamreč pachavana ŭ Rasii. Da takoj vysnovy žurnalisty pryjšli, vyvučajučy abstanoŭku na mohiłkach u bolš čym 65 rasijskich nasielenych punktach na praciahu apošnich 14 miesiacaŭ.
Takim čynam, pavodle najbolš kansiervatyŭnaj acenki, padčas uvarvańnia va Ukrainu Rasija na pačatak maja 2023 hoda mahła stracić 43 400 čałaviek zahinułymi.
Ahulnyja biezzvarotnyja straty Rasii (heta značyć, kolkaść tych, chto vybyŭ sa stroju z pryčyny ranieńnia abo śmierci ci prapaŭ bieź viestak) mohuć składać prynamsi 195 000 čałaviek.
ZŠA śćviardžali, što sa śniežnia 2022 hoda va Ukrainie zahinuła 20 tysiač rasijskich vajskoŭcaŭ, pryčym bolšaść u Bachmucie.
Sama Rasija apošni raz nazyvała ličby 22 vieraśnia. Tady ministr abarony Siarhiej Šajhu kazaŭ, što va Ukrainie zahinuła 5937 rasijskich sałdat i aficeraŭ.
Kamientary
Itoho my imiejem vzaimnoubitych słavian połmilliona , dietorodnoho vozrasta v osnovnom.
Spasibo Bajdienu i amierikanskomu dołłaru.
A po suti čto iźmieniłoś ?
Nikto osobo nikoho i nie pobiedił.
No riezultat vojny dla anhłosaksov užie na połovinu dostihnut