Charysan Ford atrymaŭ «Załatuju palmavuju halinu». Heta było vialikaj niečakanaściu dla słavutaha akciora
Arhanizatary Kanskaha kinafiestyvalu ŭručyli halivudskamu akcioru Charysanu Fordu hanarovuju «Załatuju palmavuju halinu». Akcior nie viedaŭ zahadzia ab uznaharodžańni, tamu vielmi ździviŭsia.
80-hadovy Ford pryjechaŭ na kinafiestyval, kab prezientavać publicy pryhodnicki bajavik «Indyjana Džons i koła losu». Heta piaty film franšyzy, u jakim akcior syhraŭ hałoŭnuju rolu.
«Ja hłyboka kranuty hetym», — skazaŭ Ford, kali atrymaŭ uznaharodu. Jon pryznaŭsia, što bolš nie budzie zdymacca ŭ filmach pra Indyjana Džonsa.
Paśla ŭznaharodžańnia hledačam pakazali videarolik, jaki składajecca ź jarkich momantaŭ filmaŭ z Fordam.
«Kažuć, pierad śmierciu vy bačycie, jak vaša žyćcio pranosicca pierad vašymi vačyma. Ja tolki što bačyŭ, jak usio majo žyćcio pramilhnuła pierada mnoj», — zajaviŭ jon.
76-hadovy Kanski kinafiestyval startavaŭ 18 maja. Jon skončycca 27 maja.
U Charysana Forda, jak viadoma, biełaruskija karani. Jaho babula naradziłasia ŭ jaŭrejskaj siamji ŭ Minsku i ŭ pačatku XX stahodździa emihravała ŭ ZŠA.
Pra hałoŭnyja filmy Kanaŭ, jakija ŭsie čakajuć, možna pačytać tut.
BlackBerry: kranalnaja drama-bajopik pra ŭźlot i padzieńnie madeli smartfona, papularnaj u 2000-ja
Film «Tetrys»: jak zamiežnyja biznesmieny kuplali pravy na suśvietna viadomuju hulniu ŭ savieckaha inžyniera
Što pahladzieć. «Santechniki Biełaha doma» — palityčnaja satyra na padstavie realnych padziej
Kamientary