Mortal Kombat 1 pierazapuścić lehiendarnuju sieryju videahulniaŭ u vieraśni
Nastupny reliz u adnoj z samych papularnych sieryj videahulniaŭ Mortal Kombat moža być nie takim, jakim možna było čakać. Kampanii NetherRealm i WB Games pradstavili anons Mortal Kombat 1 — jak zajaŭlajecca, «adrodžany» pohlad na sieryju, jakaja abiacaje novuju bajavuju miechaniku i režymy hulni.
U toj čas jak bolšaść detalaŭ zastajucca ŭ sakrecie, u trejlery možna ŭbačyć šmat viadomych piersanažaŭ i — što zastajecca niaźmiennym u hulni — vialikuju kolkaść kryvi i «rasčlanionki».
Mortal Kombat 1 vyjdzie 19 vieraśnia dla PK, PS5, Switch i Xbox Series X/S. Pa pieradzamovie dostup da beta-viersii možna atrymać užo ŭ žniŭni: ličbavaje premium-vydańnie koštam 110 dołaraŭ, aproč rańniaha dostupu da hulni (z 14 vieraśnia), prapanuje i rańni dostup da hulniavych piersanažaŭ i Kameo Fighters, a taksama skin Džoni Kiejdža, zrobleny tak, kab nahadvać Žana-Kłoda Van Dama (jaki, darečy, pavinien byŭ syhrać Džoni ŭ pieršaj kłasičnaj ekranizacyi hulni, vypuščanaj u 1995 hodzie).
A kali vy sapraŭdy addany amatar, to zmožacie nabyć fizičnaje kalekcyjnaje vydańnie koštam 250 dalaraŭ, jakoje budzie ŭklučać u siabie 42-santymietrovuju skulpturu Lu Kanha, a taksama adpaviedny hulniavy skin, mastackija prynty i śpiecyjalny futlar.
Videahulnia Mortal Kombat vyjšła ŭ 1992 hodzie i adrazu ž stała nastolki papularnaj, što atrymała praciah u samych roznych vidach (uklučajučy niekalki kinastužak, sieryjałaŭ, komiksaŭ) i stała samaj pradavanaj franšyzaj fajtynhaŭ i adnoj z samych prybytkovych miedyja-franšyz usich časoŭ.
U novaj hulni padziei razhornucca ŭ suśviecie, pierarodžanym boham ahniu Lu Kanam, ź pieraasensavanymi viersijami znakavych piersanažaŭ. Pa słovach suaŭtara hulni Eda Buna (Ed Boon), adzinka ŭ naźvie hulni simvalizuje pačatak suśvietu: «Heta nie praciah historyi Mortal Kombat 11, tamu ŭ hetaj novaj realnaści ŭ piersanažaŭ zusim inšyja roli. My chočam padkreślić heta našym zahałoŭkam».
Bun taksama skazaŭ, što nad Mortal Kombat 1 studyja NetherRealm pracavała daŭžej, čym nad luboj inšaj hulnioj sieryi, i što ŭ finalnym pradukcie «heta budzie zaŭvažna». Mortal Kombat 1 (2023) vychodzić praz čatyry hady paśla papiaredniaj častki, što stała ŭžo svajho rodu tradycyjaj, bo stolki ž hadoŭ padzialała i niekalki papiarednich relizaŭ: Mortal Kombat 11 (2019), Mortal Kombat X (2015), Mortal Kombat (2011).
U toj čas, jak novaja hulnia vyrazna pazicyjanujecca jak mahčymaść pieraasensavać hiejmpłej i ŭsiu historyju ahułam, prychilniki hulni chvalujucca, nakolki značnymi buduć źmieny.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary