Kontrnastup užo pačaŭsia. U Ofisie Zialenskaha zrabili važnuju zajavu
«Užo niekalki dzion praciahvajecca kontrnastup, idzie intensiŭnaja vajna na 1500 kiłamietrach miažy, dziejańni ŭžo pačalisia», — skazaŭ Michaił Padalak.
Kontrnastup ukrainskich vajskoŭcaŭ užo pačaŭsia i praciahvajecca niekalki dzion. Intensiŭnyja bai iduć pa ŭsioj linii miažy. Pra heta zajaviŭ daradca kiraŭnika Ofisa prezidenta Michaił Padalak, paviedamlaje RBK-Ukraina sa spasyłkaj na italjanski telekanał Rai.
«Užo niekalki dzion praciahvajecca kontrnastup, idzie intensiŭnaja vajna na 1500 kiłamietrach miažy, ale dziejańni ŭžo pačalisia», — skazaŭ jon.
Padalak taksama prakamientavaŭ pytańnie pastavak Ukrainie zachodniaha ŭzbrajeńnia i padkreśliŭ, što USU nie buduć bić pa terytoryi Rasii, a buduć prymianiać jaho vyklučna dla deakupacyi zachoplenych terytoryj.
«My nie chočam udarać pa terytoryi Rasii, my budziem vykarystoŭvać tuju zbroju, jakuju vy nam dali, kab źniščyć pazicyi RF na terytoryjach, jakija akupavała Maskva, uklučajučy Danbas i Krym», — patłumačyŭ Padalak.
Jon dadaŭ, što ciapier Ukraina maje rakiety vialikaj dalokaści Storm Shadow, tanki Leopard, supraćrakietnyja sistemy, «jakija nam dali Francyja i Italija».
«F-16 narešcie dazvolić nam zakryć pavietranuju prastoru. Paradoks: kali b my ich mieli hod tamu, vajna b užo skončyłasia», — kanstatavaŭ jon.
Naŭprost 15 maja prezident Uładzimir Zialenski kazaŭ pra toje, što Ukraina rychtuje vielmi važnyja kontrnastupnyja dziejańni, ale dla ich pačatku treba jašče trochi času. Pavodle jaho słoŭ, umovaj dla pačatku kontrnastupu było toje, kab Ukraina atrymała minimum, ź jakim zmoža vyrvacca napierad. Užo 23 maja kiraŭnik HUR Kirył Budanaŭ paćvierdziŭ, što hety minimum, pra jaki, vierahodna, kazaŭ Zialenski, va Ukrainy ŭžo jość.
Jašče ŭ krasaviku namieśnica ministra abarony Ukrainy Hanna Malar zajaŭlała, što ŭkrainskija vojski ŭžo viaduć kontrnastupnyja dziejańni na froncie, siarod ich i abarona Bachmuta. Pry hetym, jak jana adznačała, va Ukrainy jość niekalki płanaŭ vyzvaleńnia terytoryj ad akupantaŭ.
Ciapier čytajuć
Piać mutnych momantaŭ u historyi pra danosčyka Bialucina i «śpiecapieracyju» KDB8
Piać mutnych momantaŭ u historyi pra danosčyka Bialucina i «śpiecapieracyju» KDB
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary