Film «II» režysiorki Ułady Siańkovaj možna pahladzieć u anłajn-kinateatry biełaruskaha kino Vodblisk
Siońnia film «II» režysiorki Ułady Siańkovaj papoŭniŭ miedyjateku anłajn-kinateatra biełaruskaha kino Vodblisk. Dla tych, chto pa-za Biełaruśsiu, prahlad filma kaštuje 5$. Tyja, chto znachodzicca na terytoryi Biełarusi, u 2023 hodzie mohuć hladzieć biaspłatna nie tolki hety, ale i inšyja filmy prajekta.
«II» — sučasnaja ihravaja drama pra biełaruskich padletkaŭ, jakaja ŭzdymaje pytańni, što papraŭdzie tyčacca mnohich ludziej. Siarod hetych tem — bulinh u škole, dyskryminacyja ŁHBT+, seks i niedachop seksualnaj adukacyi. Jość i jašče adna važnaja tema, jakaja aśviatlajecca ŭ filmie, adnak nie budziem apiaredžvać i pazbaŭlać vas mahčymaści ŭbačyć usio samim.
«Dla mianie heta prajekt pra niedachop seksualnaj adukacyi ŭ majoj i susiednich krainach. Pra niedachop adukacyi, pierš za ŭsio, u darosłych, ad jakich idzie ŭsia ahresija i nievuctva», — dzialiłasia dumkami režysiorka Ułada Siańkova paśla premjery filma ŭ 2019 hodzie.
Stužka «II» stvoranaja ŭžo nieisnujučym «ART Karparejšn» sumiesna ź JUNIESKA. Usio kino źniali ŭ krytyčna ścisłyja terminy praź nievialiki biudžet — za šeść dzion. Adnak heta nijak nie paŭpłyvała na jaho jakaść. Film acanili na Varšaŭskim kinafiestyvali ŭznaharodaj «Asablivaja zhadka žury» ŭ konkursnaj siekcyi «Svabodny duch». A ŭ 2022 hodzie pieršuju niezaležnuju premiju biełaruskaj kinapresy «Čyrvony vieras» prysudzili kinastužcy Ułady Siańkovaj «II» u katehoryi «Najlepšy ihravy poŭnamietražny film».
Ź cikavaha: u epizadyčnych rolach u filmie źjaŭlajucca były frantmien Kupałaŭskaha teatra Raman Padalaka i kinaanalityk i prahramny dyrektar Biełaruskaha konkursu kinafestu «Paŭnočnaje źziańnie» Ihar Sukmanaŭ. Miełamanaŭ paradujuć znajomyja treki, bo na školnaj dyskatecy ŭ filmie hraje «Ja buntar» Bakieja, treki Alyona Alyona i «ŁSP».
Kali vy ŭsio jašče nie da kanca razumiejecie, čaho vam čakać ad prahladu, to słovy samoj režysiorki pra svoj film uniasuć kančatkovuju jasnaść: «Kali b ja była kinakrytykam, to napisała b, što heta drajvovaja historyja dla ludziej roznaha ŭzrostu ad 16 hadoŭ». Režysiorka pa dośviedzie viedaje, što jaje kino vyklikaje roznyja emocyi: «Hladač i paśmiajecca, i papłača, i ŭ kancy prahladu budzie akryleny i ŭ rozdumach».
Prahlad filma «II» z zamiežža možna nabyć za 5$. Dostup da filma zachoŭvajecca 30 dzion z momantu pieršaha prahladu, pry hetym hladzieć jaho možna lubuju kolkaść razoŭ. A dla hledačoŭ, jakija znachodziacca na terytoryi Biełarusi, prahlad dastupny biaspłatna, jak i ŭvieś repiertuar miedyjateki VODBLISK u 2023 hodzie.
Kab nie prapuścić navinki biełaruskaha kino, padpišyciesia na sacyjalnyja sietki prajekta — Instagram, Facebook.
Vy možacie padtrymać danatam dziejnaść kamandy kinafiestyvalu «Paŭnočnaje źziańnie» i anłajn-kinateatra biełaruskaha kino Vodblisk.
«Anatomija padzieńnia»: film-pieramožca Kanskaha kinafiestyvalu daśleduje žyćcio pary, u jakim nie ŭsio tak adnaznačna
Takiešy Kitana suprać usich. Film «Kubi» («Šyja») — žorstkaja raźnia, u jakoj nichto nie varty spačuvańnia
Akciory filma «Ramea i Džuljeta» prajhrali pazoŭ, padadzieny z-za sceny z ahaleńniem
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary