Ekanomika

«Usio stabilna drenna». Ahienctva Moody's znoŭ paniziła kredytnyja rejtynhi Biełarusi, adnak pavysiła prahnoz pa joj z «niehatyŭnaha» na «stabilny»

Pavodle spravazdačy ahienctva, Biełaruś niasie vielmi surjoznyja ekanamičnyja straty praz svaju palityku i padtrymku vajny suprać Ukrainy. Rasija kampiensavać usio heta nie zmoža.

Ilustracyjnaja vyjava. Fota: «Naša Niva»

Mižnarodnaje rejtynhavaje ahienctva Moody's źniziła doŭhaterminovy kredytny status emitenta Biełarusi ŭ nacyjanalnaj i zamiežnaj valutach z uzroŭniu Sa da S (defołtny stan i vielmi nizkija šancy na pahašeńnie), a taksama pahoršyła rejtynh krainy pa pryjarytetnych niezabiaśpiečanych daŭhach (toje ž samaje: z Sa da S). Pra heta ahienctva paviedamiła 2 červienia na svaim aficyjnym sajcie.

U svajoj novaj spravazdačy Moody's pryjšło da vysnovy, što praz udzieł u vajnie suprać Ukrainy i nakładzienyja ŭ vyniku hetaha mižnarodnyja sankcyi Biełaruś sutykniecca z adčuvalnym i doŭhaterminovym uronam ekanomicy, jaki Rasija zdolnaja kampiensavać tolki častkova. 

U dadatak da hetaha Biełaruś praz padtrymku vajny i sankcyi zastaniecca niazdolnaj pahasić svaje daŭhi pa jeŭraablihacyjach, što jašče ŭ minułym hodzie ŭ ahienctvie paznačyli jak defołt.

«Praz vajnu suprać Ukrainy i sankcyi Biełaruś nie zmoža pahasić svaje daŭhi pa jeŭraablihacyjach navat z ulikam jaje sprob apłacić ich u nacyjanalnaj valucie, što jość niedapuščalnym. Čakanyja straty trymalnikaŭ hetych ablihacyj pieravysiać 65%. 

Pry hetym Rasija nie zmoža całkam vyratavać Biełaruś ad vielmi vysokaha rysku defołtu pa dziejnych i budučych vypuskach daŭhavych abaviazacielstvaŭ. Kraina faktyčna pazbaŭlenaja dostupu da zachodnich fondavych rynkaŭ i vielmi abmiežavanaja ŭ mahčymaści absłuhoŭvać častku svajho źniešniaha doŭhu, naminavanaha ŭ zamiežnaj valucie. Aproč hetaha, unutry Biełarusi isnuje vielmi vysokaja ryzyka palityčnaj niestabilnaści», — paviedamiła ahienctva Moody's u svajoj novaj spravazdačy.

U tym liku paharšajuć situacyju vielizarnaje ŭmiašańnie ŭrada ŭ spravy ekanomiki, zakrytaść finansavaj sistemy, abmiežavanaja nadziejnaść instytutaŭ ułady, a taksama nieefiektyŭnaść miascovaj palityki i hieapalityčnaja turbulentnaść (asabliva padkreślivajucca sankcyi ES i ZŠA i adklučeńnie šerahu dziaržaŭnych bankaŭ ad sistemy SWIFT).

Adnak pry hetym Moody's pavysiła ahulny prahnoz pa Biełarusi z «niehatyŭnaha» na «stabilny», tłumačačy heta tym, što ekanomika krainy choć i paniasie surjoznyja doŭhaterminovyja straty, ale ŭsio ž pastupova prystasujecca da sankcyj i navat pakaža nievialiki adnaŭlenčy rost realnaha VUP (pavodle čakańniaŭ ahienctva, u 2023 hodzie hety rost składzie 0,3%).

Hety status aznačaje praciahłaje isnavańnie va ŭmovach vajny va Ukrainie, sumnieŭnaj pieraaryjentacyi ekspartu z Zachadu na Uschod, pastajannaj pahrozy ŭviadzieńnia novych sankcyj i najaŭnaści vysokaj ryzyki ŭnutranaj niestabilnaści, tłumačyć ahienctva Moody's. 

Kamientary

Ciapier čytajuć

U Hruzii apazicyja sprabavała šturmavać prezidencki pałac5

U Hruzii apazicyja sprabavała šturmavać prezidencki pałac

Usie naviny →
Usie naviny

CHAMAS pryniaŭ asnoŭnyja pałažeńni płana Trampa i pahadziŭsia adpuścić usich zakładnikaŭ4

U avaryi ŭ Słuckim rajonie zahinuli čatyry čałavieki z adnoj mašyny2

«U Biełarusi navat ptuški śpiešvajucca». Tyktok skaryła VIDEA vielmi vietlivaj varony2

U ZŠA vypuściać dalaravuju manietu z vyjavaj Trampa7

Prachanaŭ napisaŭ knihu pra Pryhožyna i Pucina, ale ŭłady jaje nie acanili19

U Kleckim rajonie na Dažynki zładzili šeście pa vioscy. Zdalok jano nahadvała pachavalnuju pracesiju VIDEA6

Stała viadomaj pryčyna, pa jakoj zabaranili śpiektakl «Siostry Hrym» u staličnym Teatry lalek5

Biełarusy pikietavali pasolstva Hiermanii ŭ Vilni, patrabujučy pakarańnia dla sadysta Šynvize8

Śviatar Alaksandr Kuchta pryznaŭsia, što supracoŭničaje z «Bajsołam», i raskazaŭ, jak pracuje heta arhanizacyja5

bolš čytanych navin
bolš łajkanych navin

U Hruzii apazicyja sprabavała šturmavać prezidencki pałac5

U Hruzii apazicyja sprabavała šturmavać prezidencki pałac

Hałoŭnaje
Usie naviny →

Zaŭvaha:

 

 

 

 

Zakryć Paviedamić