Ukrainskaja pamiežnaja słužba acaniła fatahrafii biełaruskich sił śpiecyjalnych apieracyj padčas vučeńniaŭ kala miažy z Ukrainaj.
Minabarony Biełarusi 7 červienia apublikavała fatahrafii vučeńniaŭ bajcoŭ Sił śpiecyjalnych apieracyj na miažy z Ukrainaj, jakija «hatovy da lubych varyjantaŭ raźvićcia padziej».
Adnak usio ž adzin varyjant raźvićcia padziej biełaruskija SSA vidavočna ŭpuścili: stralać ź vintoŭki, hledziačy ŭ začynieny nakryŭkaj pryceł, naŭrad ci efiektyŭna.
Jakraz hetuju zaŭvahu zrabiła Ukrainskaja pamiežnaja słužba (DPSU), kamientujučy čarhovyja biełaruskija vučeńni kala svajoj miažy.
«Biełaruskaje Minabarony pakazała, jak ich siły śpiecyjalnych apieracyj uzmacniajuć paŭdniovuju miažu Biełarusi», — napisała DPSU ŭ svaim telehram-kanale, prykłaŭšy adnu z fatahrafij biełaruskaha bajca SSA z zakrytym prycełam i supravadziŭšy heta śmiešnym smajlikam.
Nahadajem, što pakul Ukraina viadzie žorstkuju abarončuju vajnu suprać Rasii, na ŭkrainska-biełaruskaj miažy adbyvajecca supraćstajańnie krychu inšaha charaktaru, jakoje ŭklučaje ŭ siabie rehularnyja vučeńni, pakaz prapahandysckich videa i biłbordaŭ, a taksama spabornictvy, čyj boršč lepšy.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj2
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1414
Kamientary