Hramadstva2222

Pratasievič druhi raz ažaniŭsia z toj ža žančynaj. Chto jana?

Viasielle, pa infarmacyi «Našaj Nivy», prajšło ŭ adnoj ź minskich kaljannych. Fotazdymak z rehistracyi vykłaŭ sam Raman Pratasievič, ale tvar abrańnicy zabluryŭ.

Zabluranaje fota ź viasielnaj cyrymonii

Raniej Pratasievič zajaŭlaŭ, što ŭžo byŭ žanaty. U sacsietkach publikavałasia navat fota ŭ ZAHSie ŭ studzieni 2019-ha (ale za 10 dzion da hetaha błohier pisaŭ u tvitary, što kachanaja kinuła jaho za tydzień da šlubu, nieviadoma, nakolki možna vieryć hetaj infarmacyi).

Imia tahačasnaj abrańnicy nie paviedamlałasia, Pratasievič asabliva nie raskazvaŭ pra jaje.

Praŭda, u bazie «Kibierpartyzanaŭ» infarmacyi pra jahony raniejšy šlub niama. 

Užo ŭ mai 2019 hoda Pratasievič vykłaŭ post u tvitary, što para padała na razvod.

Paśla padziej 2020-ha błohier vyjechaŭ ź Biełarusi i sustrakaŭsia ź inšymi dziaŭčatami. Adnoj ź ich była Safija Sapieha. 

Pa infarmacyi «Našaj Nivy», druhi raz Pratasievič ažaniŭsia z toj samaj dziaŭčynaj. Adznačali viasielle nibyta ŭ adnoj z kaljannych minskaj sietki «Miata». 

Nam taksama stała viadoma imia dziaŭčyny. Jaje zavuć Marharyta Hryckievič.

Jana skončyła Minski miedycynski ŭniviersitet i, prynamsi, u 2018-m pracavała pravizarkaj-receptarkaj u minskaj aptecy № 58. 

Hryckievič druhaja źleva. Fota: pharma.by

Znajści sacyjalnyja sietki Marharyty Hryckievič nam nie ŭdałosia. Numary jaje baćkoŭ niedastupnyja ci źmienienyja, baćkava staronka ŭ «Adnakłaśnikach» pačyščana. 

Historyja adnosin pary nieviadomaja. 

Hryckievič druhaja sprava. Fota: sacsietki

Niadaŭna paviedamlałasia, što za čas ad pryziamleńnia samalota Pratasievič paśpieŭ stać baćkam — pra heta zajaviŭ advakat Safii Sapiehi Anton Hašynski. Ale paźniej prapahandyst Ihar Tur napisaŭ, što heta niapraŭda.

Tur, darečy, apisvaŭ i inšyja detali z asabistaha žyćcia Pratasieviča. Jon ich daviedaŭsia, kali čytaŭ pierapisku z telefona Ramana. Prapahandyst pisaŭ, što choć pamiž Pratasievičam i Sapiehaj byli niejkija adnosiny, «pačućci ŭ Ramana byli naohuł da inšaj dziaŭčyny, jakaja za jaho ščyra pieražyvała i pieražyvaje da hetaha času i jakaja była vielmi suprać jaho suviazi z Safijaj».

Ci nie na Hryckievič jon namiakaŭ?

Čytajcie taksama: Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ

Kamientary22

  • Cukierka
    12.06.2023
    Jon jašče kahości cikavić?
  • Santa Barbara
    12.06.2023
    Kali b u majho chłopca byŭ nik pr0tez, ja b taksama zadumałasia, ci varta za jaho vychodzić zamuž. 
  • Hańba
    12.06.2023
    Darahaja redakcyja, ci heta nie pierabor? Nie skažu, naturalna, za ŭsich, ale mnie da siniaj zorki, z kim śpić pratasievič i ŭ jakim šałmanie jon ažaniŭsia! Što vy lepicie ź jaho? Śvieckaha ilvionka? Plunuli, raściorli i zabyli. Chaj žoŭtyja źlivy aśviačajuć jaho pryvatnaje žyćcio - heta ich klijent.

Ciapier čytajuć

Cichanoŭski raskazaŭ, što treba było rabić u žniŭni 2020-ha56

Cichanoŭski raskazaŭ, što treba było rabić u žniŭni 2020-ha

Usie naviny →
Usie naviny

Čarha na polskaj miažy kančatkova rassmaktałasia2

Kiełah: Ukrainie patrebny novy «Płan Maršała»4

Nie tolki «kitajcy». Jakija biudžetnyja novyja aŭto prapanuje biełaruski rynak8

Kijeŭ zaznaŭ masiravanuju ataku dronami i balistykaj

Niepahadź učora nabiedakuryła ŭ Mahilovie2

Usie hrošy eks-palitźniavolenaj Natalli Dulinaj sabrali za ličanyja hadziny2

Barbi z cukrovym dyjabietam. Kampanija Mattel prezientavała novuju lalku

«Łahistyka padvodzić». Kali biełarusak pačnuć biaspłatna pryščaplać ad virusa papiłomy čałavieka?

Bałansy na kartkach troch bankaŭ adnoŭlenyja

bolš čytanych navin
bolš łajkanych navin

Cichanoŭski raskazaŭ, što treba było rabić u žniŭni 2020-ha56

Cichanoŭski raskazaŭ, što treba było rabić u žniŭni 2020-ha

Hałoŭnaje
Usie naviny →

Zaŭvaha:

 

 

 

 

Zakryć Paviedamić