Abjadnany pierachodny kabiniet abviaściŭ vyniki sustrečy Cichanoŭskaj z «Bajpołam»
«Bajpołaŭ» stanie dva, usie «bajpołaŭcy» projduć niezaležny palihraf, uvodzicca maratoryj na ŭzajemnyja abvinavačańni i publičnuju krytyku i nie tolki heta.
APK abviaściŭ vyniki sustrečy ź lidarkaj demakratyčnaj Biełarusi Śviatłanaj Cichanoŭskaj.
1. Adbyvajecca rearhanizacyja pracy «Bajpoła». Abjadnańnie siłavikoŭ Biełarusi, kudy ŭvachodziać Maćviej Kuprejčyk, Uładzimir Žyhar i inšyja, adździalajecca ad fondu «Bajpoł». U najbližejšy čas jany vyznačacca z nazvaj, formaj jurydyčnaj asoby i kirunkami pracy.
2. U adkaznaści Stanisłava Łupanosava i Alaksandra Azarava zastajecca płan «Pieramoha». Płan «Pieramoha», jak piša APK, «znachodzicca ŭ poŭnaj biaśpiecy, praciahvajecca praca pa jaho napaŭnieńni i padrychtoŭcy».
3. Kanały miedyja «Bajpoła» dzielacca nastupnym čynam: Telegram, Instagram, Youtube zastajucca za Abjadnańniem siłavikoŭ Biełarusi; Facebook, TikTok i sajt — za «Bajpołam» pad kiraŭnictvam Alaksandra Azarava.
4. Usie ŭdzielniki sustrečy pahadzilisia na prachodžańnie palihrafa ŭ niezaležnaha ekśpierta ciaham nastupnych dvuch miesiacaŭ.
5. U «Bajpole» ŭ najbližejšy čas budzie praviedzieny finansavy aŭdyt niezaležnaj kampanijaj, jakuju ŭchvalać abodva baki. Arhanizacyja vypłacić pazyki pa zarpłatach.
6. Uvodzicca maratoryj na ŭzajemnyja abvinavačańni i publičnuju krytyku, a taksama lubyja dziejańni, jakija pryčyniajuć škodu druhomu boku i «Bajpołu» jak supolnaści. Baki pavinny imknucca da parazumieńnia i suisnavańnia.
Napiaredadni APK vystupiŭ z zajavaju nakont situacyi ŭ arhanizacyi «Bajpoł». Pavodle pres-reliza, pahroz dla kanfidencyjnaj infarmacyi siońnia niama, «uciečki infarmacyi nie vyjaŭlena».
Nahadajem, na minułym tydni ŭ «Bajpole» adbyŭsia skandał. Alaksandr Azaraŭ apublikavaŭ videa, u jakim zajaviŭ, što «Bajpoł» straciŭ dostup da svaich miedyjaresursaŭ, usie paroli zastalisia ŭ rasparadžeńni byłoha supracoŭnika arhanizacyi Maćvieja Kuprejčyka, jaki admoviŭsia prajści palihraf, za što i byŭ zvolnieny z arhanizacyi.
Paźniej u telehram-kanale «Bajpoła» źjaviŭsia zapis, u jakim abvinavačańni prahučali ŭ adras samoha Alaksandra Azarava.
Poŭnuju chranałohiju kanfliktu ŭ «Bajpole» vy možacie pračytać tut.
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ18
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary
Sacyjalistyčny supraciŭ ŭ vyhnańni planamerna i niaŭchilna rušyć da svajoj mety – najbolšaha zasvajeńnia biudžetnych srodkaŭ