U Maskvie zabity pravasłaŭny śviatar Daniił Sysojeŭ, nastajaciel chrama Śviatoha Famy.
Zabojstva adbyłosia ŭ carkvie viečaram 19 listapada.Nieviadomy ŭ marlevaj paviazcy zajšoŭ u chram padčas spoviedzi, huknuŭ «Dzie Sysojeŭ?» i pačaŭ stralać u carkoŭnych słužycielaŭ. 35‑hadovy nastajaciel chrama Daniił Sysojeŭ i 41‑hadovy rehient Uładzimir Stralbicki byli paranienyja. Paśla hetaha złačynca zrabiŭ kantrolny streł ŭ hałavu śviatara. Sysojeŭ pamior pa darozie ŭ balnicu.
Na dadzieny momant, asnoŭnaja viersija zabostva — relihijnaja nieciarpimaść, pieradaje radyjostancyja «Echo Moskvy». Daniił Sysojeŭ aktyŭna zajmaŭsia misijanierskaj dziejnaściu i časam dazvalaŭ sabie davoli radykalnyja vykazvańni. Śviataru nieadnarazova pahražali. Sysojeŭ nie vyklučaŭ, što na jaho mohuć ździejśnić zamach:
«užo nie bajusia, adbajaŭsia užo hadoŭ piać tamu, a zaraz prosta pryzvyčaiŭsia žyć pad pahrozaj»— pisaŭ śviatar u svaim elektronnym dziońniku 9 kastryčnika hetaha hodu.
Patryjarch Maskoŭski i Usiaje Rusi Kirył zaklikaŭ ŭstrymacca ad chutkich abvinavačańniaŭ ŭ adras tych ci inšych asob ci hrup u suviazi z hetym zabojstvam. Patryjarch taksama nazvaŭ Sysojeva «spaviadalnikam viery i pakutnikam».
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary