Čatyry karciny Marka Šahała pradali na aŭkcyjonie ŭ Ciurychu
Čatyry karciny pendźla Marka Šahała ŭ piatnicu byli pradadzienyja na aŭkcyjonie ŭ Ciurychu. Samuju vialikuju sumu addali za pracu «Błakitnaja vaza» — jana pajšła z małatka za 670 tysiač dalaraŭ, paviedamlaje Sputnik.
Tarhi pravodziŭ šviejcarski aŭkcyjonny dom Koller, dzie padkreślili, što sapraŭdnaść rabot uradženca Biełarusi była paćvierdžanaja ŭ rozny čas paryžskim Kamitetam Marka Šahała.
U pryvatnaści, na piatničny aŭkcyjon byli vystaŭleny dźvie karciny poźniaha pieryjadu tvorčaści mastaka. Abiedźvie jon napisaŭ u 1973 hodzie. Havorka idzie pra pałotny «Błakitnaja vaza» i «Vialiki bukiet u Vansie», jakija Šahał stvaryŭ, kali ŭsio bolš jaho «pryciahvaŭ kvietkavy matyŭ».
«Jon viartaŭsia da hetaj temy z kanca 1920-ch hadoŭ, choć jaho bukiety nikoli nie stajali asobna ŭ sensie kłasičnych naciurmortaŭ, a spałučalisia z krajavidami, formami žyvioł i fihurami», — skazana ŭ paviedamleńni aŭkcyjonnaha doma.
Charakterna, što «Błakitnaja vaza» ŭdzielničała ŭ tarhach mienš za try chviliny i trapiła da novaha haspadara za 671 tysiaču dalaraŭ. Karcinu «Vialiki bukiet u Vansie» nabyli za 354 tysiačy šviejcarskich frankaŭ (kala 395 tysiač dalaraŭ).
Pieršaja praca da taho, jak jaje vyrašyli pradać, pierajšła da ŭładalnikaŭ pa spadčynie i znachodziłasia ŭ pryvatnaj kalekcyi ŭ Šviejcaryi. Što tyčycca druhoj, to jana niejki čas zachoŭvałasia ŭ kalekcyi dački mastaka Idy Šahał, a paźniej apynułasia ŭ pryvatnych kalekcyjach u Italii.
Na tarhi taksama była vystaŭlena praca Šahała «Revalucyja», napisanaja mastakom u 1939 hodzie. Na karcinie namalavany dva supraćlehłyja adzin adnamu śviety. Hetuju karcinu Šahała pradali na aŭkcyjonie za 305 tysiač frankaŭ (kala 340 tysiač dalaraŭ).
Taksama ŭ Ciurychu pajšła z małatka praca mastaka «Aholenaja na kukiškach» (1952), vykananaja tuššu i huaššu. Novy ŭładalnik addaŭ za jaje 91,8 tysiačy šviejcarskich frankaŭ (bolš za 102 tysiačy dalaraŭ).
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ7
Kamientary