Stała viadoma, kali adkryjuć padziemny pierachod kala «Dana Moł»
U Minsku praciahvajuć budavać padziemny piešachodny pierachod pad praśpiektam Niezaležnaści, jaki złučyć vulicy Kalinoŭskaha i Kiryły Turaŭskaha.
Prajekt źmien hetaj terytoryi padzieleny na dźvie čarhi: pieršaja — budaŭnictva pierachoda, a druhaja składajecca z kompleksnaha dobraŭparadkavańnia skviera na vulicy Kalinoŭskaha.
Hienpadradčykam budaŭnictva pierachoda vystupaje «Mietrabud».
— Pa padziemnym pierachodzie pracy vykanany aryjencirovačna na 50%, zastałosia praburyć try haryzantalnyja śvidraviny, paśla čaho karkas pierachoda budzie skončany. Ź lipienia płanujem pačać vymańnie hruntu i prakładvać kamunikacyi. Na padychodach pracy taksama viaducca, manalitnyja znachodziacca ŭ zaviaršalnaj stadyi, — raspavioŭ dyrektar «Hardarbuda» Siarhiej Panieŭ «Minsk-Navinam».
Jon skazaŭ, što aryjencirovačnaja data ŭvodu abjekta ŭ ekspłuatacyju — vierasień 2023 hoda.
A voś dobraŭparadkavańnie skviera na Kalinoŭskaha ŭžo vykanana. Tam zamieniena pakryćcio hałoŭnaj alei, madernizavana sistema vuličnaha aśviatleńnia, ustanoŭleny dziciačyja hulniavyja i spartyŭnyja placoŭki, arhanizavany miescy dla praviadzieńnia masavych mierapryjemstvaŭ i vyjaznoha handlu.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary