Alaksandr Łukašenka ŭziaŭ udzieł u cyrymonii ŭskładańnia viankoŭ i kvietak da Kurhana Słavy pad Minskam. Cyrymonija prajšła biez udziełu jaho synoŭ, chacia na 9 Maja jany prysutničali na płoščy Pieramohi.
Jak zaŭvažaje Reform.by, uskładańnie było niepraciahłym pa časie. Cyrymonija zaniała kala 10 chvilin. Łukašenku supravadžali vyšejšyja biełaruskija čynoŭniki: premjer-ministr, staršyni abiedźviuch pałat Nacyjanalnaha schodu, kiraŭnik Administracyi Łukašenki, načalnik Hienštaba, hienprakuror, a taksama staršyni FPB i Minskaha abłvykankama.
U pramovie Łukašenka rastłumačyŭ, što Biełaruś adznačaje Dzień Niezaležnaści 3 lipienia ŭ dzień vyzvaleńnia Minska, bo «Vialikaja Ajčynnaja navučyła biełarusaŭ šanavać žyćcio, mir i svabodu». Jon źviarnuŭ uvahu, što śviata ź biełarusami raździalaje moładź Rasii, Armienii, Kyrhyzstana.
Łukašenka pravioŭ paraleli z sučasnymi padziejami, zajaviŭšy pra toje, što «navajaŭlenym nacystam» varta było b pierahledzieć kadry maršu niamieckich vajennapałonnych u Maskvie ŭ 1944 hodzie.
Jon taksama zaznačyŭ, što pieramožcy zaviaščali jaho pakaleńniu ziamlu Biełarusi, ciapier ža nastała čarha moładzi «bierahčy hety łapik ziamli».
Apošni vajskovy parad u Minsku prajšoŭ u 2020 hodzie. Paśla było pryniata rašeńnie ab praviadzieńni takich mierapryjemstvaŭ tolki ŭ jubilejnyja hady.
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary