«Cisnuć praz rodnych, jakich taksama zatrymali». Pravaabaroncy raskazali akaličnaści incydentu z ablitym farbaj aŭtamabilem Z-aktyvista
Pravaabaroncam stali viadomyja niekatoryja akaličnaści zatrymańnia 53-hadovaha biełarusa Ilji Dvojryna, jaki nibyta abliŭ farbaj mašynu prarasijskaha aktyvista Siarhieja Judajeva. Incydent z ablitym farbaj aŭtamabilem na krymskich numarach adbyŭsia ŭ Navapołacku.
Pavodle pravaabaroncaŭ, za niekalki dzion da zdareńnia ŭ Ilji ź Judajevym byŭ kanflikt na darozie: nibyta rasijanin jechaŭ niećviarozy za rulom, a biełarus zrabiŭ jamu zaŭvahu z hetaj nahody.
Paśla incydentu z mašynaj prarasijski aktyvist uzhadaŭ hetuju situacyju i paviedamiŭ siłavikam numar mašyny biełarusa, jaki zrabiŭ jamu zaŭvahu.
Krynica «Viasny» raskazała, što siłaviki chočuć psichałahična złamać Dvojryna praź jaho rodnych, jakich zatrymali razam z mužčynam.
Jak piša «Viasna», taksama byli zatrymanyja syn Dvojryna Dźmitryj, niaviestka i brat. 4 lipienia ŭ ich doma praviali pieratrusy, a svajakoŭ advieźli ŭ RAUS. Paźniej žonku i brata Ilji paśla pravierki telefonaŭ adpuścili, a jaho samoha źmiaścili ŭ viciebski IČU. Na jaho zaviedziena kryminalnaja sprava. Na Dźmitryja i Viktoryju Dvojrynaŭ skłali administracyjnyja pratakoły. 6 lipienia ŭ Połacku adbyŭsia sud, adnak jaho vyniki pakul nieviadomyja.
Mašyna prarasijskaha aktyvista Siarhieja Judajeva z krymskimi numarami i vialikaj litaraj Z na kapocie była pryparkavanaja kala miascovaha HAUS. Rankam 1 lipienia haspadar znajšoŭ svaju mašynu z ablitym biełaj farbaj łabavym škłom.
5 lipienia siłaviki apublikavali videa žorstkaha zatrymańnia čałavieka, jaki, pavodle ich mierkavańnia, abliŭ biełaj farbaj aŭto prarasijskaha Z-aktyvista Siarhieja Judajeva. Ale na milicejskim videa tvar i hołas byli źmienienyja i numary mašyny zabluranyja, što niezvyčajna dla videa takoha typu.
-
Dojlidu z Brestčyny, jaki budavaŭ cerkvy ŭ niekalki krainach, dali kałoniju pa čatyroch palityčnych artykułach
-
Uzbrojenyja siły Biełarusi pryviedzienyja ŭ vyšejšuju stupień bojehatoŭnaści
-
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
Ciapier čytajuć
Alaksandra Šakucina adpuścili paśla troch sutak u SIZA2
Alaksandra Šakucina adpuścili paśla troch sutak u SIZA
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
Prievratił stranu v niŝij otstojnik na zadvorkach Rośsii, dla zihujuŝich zietom skrieponościev, v kotorom, dla zihujuŝich - zakon, ostalnym - dyšło v vidie uzakoniennoho biezzakonija...