Švied anansavaŭ sud nad čałaviekam, jakoha abvinavačvali ŭ spaleńni Chatyni. Jon pamior vosiem hadoŭ tamu
U Biełarusi projdzie sud nad Uładzimiram Katrukom, jaki ŭdzielničaŭ u zabojstvach žycharoŭ vioski Chatyń padčas Druhoj suśvietnaj vajny, pra heta zajaviŭ hienieralny prakuror Andrej Švied.
Katruk, jaki va ŭzroście 93 hadoŭ pamior u Kanadzie ŭ 2015 hodzie, słužyŭ u 118-m bataljonie Schutzmannschaft — palicejskim farmiravańni, jakoje ŭdzielničała ŭ masavych raspravach nad mirnymi žycharami padčas vajny. U pryvatnaści, u sakaviku 1943 hoda jany spalili ŭsich žycharoŭ vioski Chatyń.
Uładzimir Katruk uvachodziŭ u dziasiatku nacysckich złačyncaŭ, jakich u pieršuju čarhu šukaŭ centr Simona Vizientala. Jon byŭ znojdzieny ŭ kviebiekskim municypalitecie Manterežy ŭ Kanadzie.
Katruk apošnija hady razvodziŭ pčoł. Padčas dopytu jon admaŭlaŭ usie suviazi z nacystami, zajaŭlaŭ, što ničoha nie viedaje pra «śpis Vizientala».
«Mnohija hady miedyja biespadstaŭna pieraśledavali mistara Katruka. Ja vielmi rady, što ciapier jon mirna spačyvaje», — kazaŭ tady jaho advakat Arest Rudzik.
U Rasii ŭ dačynieńni da Katruka była raspačata kryminalnaja sprava. Śledčy kamitet Rasii zapatrabavaŭ jaho vydačy dla pryciahnieńnia da adkaznaści, ale Kanada admoviła.
«Dla taho, kab ludzi razumieli, chto taki Katruk, jak kankretna jon źvierstvavaŭ, jak jon kankretna zabivaŭ ludziej, kolki jon zabiŭ žančyn, starych, dziaciej, jak jon nikoha nie škadavaŭ. Voś dla hetaha treba rašeńnie suda. Našaha nacyjanalnaha suda. I jon budzie», — zajaviŭ hienprakuror Biełarusi ŭ efiry telekanała «Biełaruś 1».
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary