Pačynajučy z učorašniaha dnia biełaruskija karystalniki, jakija robiać zakazy na AliExpress, stali zaŭvažać u infarmacyi pra zamovu źjaŭleńnie radka ab padatku na dadatkovuju vartaść (PDV) u 20%. Adpaviedna vyrasła i cana, piša mogilev.online.
Z pytańniami ab tym, što adbyvajecca, karystalniki źviarnulisia ŭ padtrymku markietpłejsu i ŭ śpiecyjalizavanyja pabliki. U padtrymcy Ali paćvierdzili ŭviadzieńnie PDV i rastłumačyli heta «apošnimi źmienami ŭ padatkovym zakanadaŭstvie Respubliki Biełaruś».
«PDV apłačvajecca pakupnikom. Źjaŭleńnie padatku na dadatkovuju vartaść abumoŭlena źmienami ŭ padatkovym zakanadaŭstvie, jakich raniej nie było», — padkreślili ŭ słužbie padtrymki.
Bolš padrabiazny kamientar na hety kont daŭ śpiecyjalizavany pablik «AliEkspres Biełaruś».
«U kancy 2021 hoda byli pryniatyja papraŭki ŭ dziejny Padatkovy kodeks Biełarusi, jakija praduhledžvajuć abaviazkovuju vypłatu zamiežnymi internet-kramami PDV 20%. Z dapamohaj hetaj miery biełaruskija ŭłady chočuć zraŭnavać umovy pracy markietpłejsaŭ ź miascovymi kramami, jakija časta nie mohuć prapanavać takuju ž nizkuju canu, jak na rasijskich sajtach», — havorycca ŭ paviedamleńni.
Čytajcie taksama:
Aliexpress zabłakavaŭ prodaž dronaŭ dla klijentaŭ z Rasii
Ad makarony da arechaŭ: u internet-kramie «Biełpošty» źjavilisia pradukty
Adkryłasia pieršaja krama ź sietki, jakuju prezientujuć jak anałah polskaj «Žabki»
Kamientary