Akramia chrama, paškodžanyja Dom vučonych i žyłyja damy.
Ukrainskaja słužba nadzvyčajnych situacyj paviedamiła, što ŭ vyniku piataj za tydzień rakietnaj ataki na Adesu mocna paškodžany najvialikšy pravasłaŭny chram u horadzie — Spasa-Praabraženski sabor, raźmieščany ŭ centry horada.
Aŭtary videa emacyjna kažuć, što chrama «bolš niama».
Aryhinalnaja carkva była źniščanaja ŭ 1936 hodzie kamunistami, paśla adnoŭlenaja ŭ nulavyja.
Jak paviedamlaje «Suśpilnie», jak minimum adzin čałaviek zahinuŭ, 22 byli paranienyja.
Adesa, port na Čornym mory, była adnoj z hałoŭnych metaŭ rasijskaj ahresii, adnak u 2022 hodzie rasijanie nie zdoleli jaje zachapić. Intensiŭnaść ciapierašnich udaraŭ možna tłumačyć vyčarpańniem bojeprypasaŭ va ŭkrainskaj supraćpavietranaj abarony.
Rasija vypuściła pa Adeskaj vobłaści 19 rakiet: piać kryłatych «Oniks», try rakiety Ch-22, čatyry «Kalibry», piać rakiet «Iskander-K» i dźvie — «Iskander-M», jak paviedamili ŭ Pavietranych siłach Ukrainy.
Źbić udałosia tolki dzieviać rakiet — čatyry «Kalibry» i piać «Iskander-K».
Ciapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary