Chłopiec daŭ pakatacca siabroŭcy i ŭlacieŭ na vialikija hrošy. Mašyna była karšerynhavaja
18-hadovy žychar Minska Maksim raskazaŭ «Anłajnieru», jak narvaŭsia na štraf nie tolki ad DAI, ale i ad karšerynhavaj kampanii praz svaje niespraktykavanaść i hłupstva.
«Dniami atrymaŭ paśviedčańnie kiroŭcy i navažyŭsia pajeździć na šerynhavaj mašynie. A ŭ pajezdcy ŭźnikła davoli nierazumnaja ideja — pasadzić za rul dziaŭčynu», — havoryć chłopiec.
U vyniku mašynu spynili supracoŭniki DAI, ale adnym štrafam ad inśpiektaraŭ historyja nie skončyłasia.
«Mnie 18 hadoŭ, atrymaŭ pravy litaralna dniami i adrazu ž trapiŭ u niepryjemnaści pa duraści, — raskazaŭ Maksim. — Ja arandavaŭ mašynu ŭ kampanii Multimotors i pajechaŭ pa dziaŭčynu. Zabraŭ jaje, i my pajechali katacca. U niejki momant vyrašyŭ pieradać joj kiravańnie. Dla hetaha my zajechali na parkoŭku kala Expobel, u samy daloki vuhał, dzie nie było ni mašyn, ni ludziej. Tam i pamianialisia miescami».
Treba skazać, što apisanaje miesca vielmi dobra viadomaje inśpiektaram i jany pieryjadyčna naviedvajucca tudy, u tym liku ŭ pošukach «dryftaraŭ». Pa słovach chłopca, užo paśla 10—20 chvilin jazdy pryjechała mašyna DAI.
«Nas spynili. Tam ža, na miescy, mnie vypisali štraf, a mašynu adahnali na štrafstajanku. Na hetym by ŭsio i skončyłasia, kali b heta byŭ moj aŭtamabil. Ale heta ž karšerynhavaja mašyna. U vyniku kampanija mnie vystaviła štraf pamieram 150 bazavych vieličyń (5550 rubloŭ). Da taho ž dali termin dla apłaty piać dzion».
Maksim havoryć, što raskazaŭ svaju historyju, kab danieści da ŭsich: pry arendzie mašyny ŭ šerynhavych kampanij treba być hatovym nieści adkaznaść i płacić vialikija hrošy za luby incydent.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś3
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary
Divnyje vriemiena. Siejčas takije v omon rabotajut, a kohda-to rabotali v brihadach)))