Choć para padpisała pahadnieńnie ab razvodzie, jany ŭsio roŭna buduć źjaŭlacca razam na publicy.
Premjer Kanady Džaścin Trudo i jaho žonka Safi razvodziacca paśla 18-ci hadoŭ šlubu. Jany pryniali rašeńnie paśla «važnaj, ale niaprostaj razmovy», piša Bi-bi-si.
U zajavie ofisa Trudo havorycca, što, choć para padpisała pahadnieńnie ab razvodzie, jany ŭsio roŭna buduć źjaŭlacca razam na publicy.
«My zastajomsia blizkaj siamjoj z hłybokim kachańniem i pavahaj adno da adnaho i da ŭsiaho, što my pabudavali i budziem praciahvać budavać», — skazali ŭ sumiesnym dopisie ŭ instahramie 51-hadovy Džaścin Trudo i 48-hadovaja Safi Hrehuar.
Jany taksama prasili spakoju dziela «dabrabytu» svaich dziaciej.
Safi Hrehuar-Trudo, byłaja žurnalistka zabaŭlalnych prahram, była adnakłaśnicaj małodšaha brata Trudo, Mišela.
Jany znoŭ sustrelisia ŭ darosłym uzroście ŭ 2003 hodzie, kali razam arhanizavali dabračynny bal.
Para pažaniłasia ŭ Manreali ŭ 2005 hodzie i maje traich dziaciej.
Apošnim časam ich mienš bačyli razam na publicy, choć jany byli na karanacyi karala Karła III u mai i prymali prezidenta ZŠA Džo Bajdena ŭ Kanadzie ŭ sakaviku.
U mai kanadski premjer apublikavaŭ fatahrafiju z nahody hadaviny viasiella, na jakoj jon i jaho žonka trymajucca za ruki ŭ aŭtafurhonie.
«Kožnaja mila hetaha sumiesnaha padarožža — heta pryhoda, — havorycca ŭ podpisie da fota. — Ja kachaju ciabie, Safi. Ź jubilejem!»
U jubilejnym dopisie ŭ minułym hodzie Safi Hrehuar-Trudo napisała, što jany viaduć svaju łodku ŭ «soniečnyja dni, mocnyja štormy i ŭsio, što pamiž imi».
Trudo ŭznačalvaje ŭrad Kanady vosiem hadoŭ.
-
«Čałaviekam hoda» pa viersii Time stali adrazu vaśmiora «architektaraŭ štučnaha intelektu»
-
Paryk, hrym i rybackaja łodka: jak nobieleŭskaja łaŭreatka tajemna źbiehła ź Vieniesueły ŭ Osła
-
U śpis kulturnaj spadčyny JUNIESKA ŭklučyli ŭsiu italjanskuju nacyjanalnuju kuchniu. Heta pieršy taki vypadak u historyi
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3131
Kamientary