U niekatorych vizavych centrach Polščy ŭ Biełarusi techničny zboj, mohuć nie prymać dakumienty
Niadaŭna ŭ formach rehistracyi na sajcie vizavych centraŭ Polščy ŭ Biełarusi zdaryŭsia zboj: u punkcie krainy hramadzianstva zajaŭnika zamiest Biełarusi pačała źjaŭlacca Bielhija.
Takuju infarmacyju «Našaj Nivie» paviedamiŭ Alaksandr Libier, kiraŭnik manitorynhavaj hrupy Visastat.online.
Zhodna z nazirańniami prajekta, prablema ŭźnikła jašče na minułym tydni. «Ciaham niekalkich dzion hetuju situacyju vizavyja centry prapanoŭvali vyrašyć dapłataj 85 rubloŭ. Takim čynam jany źmianiali pryjarytet padačy i mahli ŭnosić karekciroŭki», — raskazaŭ Alaksandr Libier.
Jon adznačaje, što vialikaj kolkaści zajaŭnikaŭ heta nie spadabałasia, ludzi pačali pisać skarhi va ŭsie instancyi — i ŭ vizavyja centry, i ŭ kampietentnyja słužby Biełarusi. Situacyja pahoršała jašče bolš.
«Ad siońnia vizavyja centry (za vyklučeńniem niekatorych rehijanalnych) pierastali prymać dakumienty z pamyłkaj u krainie hramadzianstva. I mahčymaści dapłacić za karekciroŭku bolš niama», — kaža Alaksandr Libier.
U minskim vizavym centry trubku nie źniali.
Kamientary