У некаторых візавых цэнтрах Польшчы ў Беларусі тэхнічны збой, могуць не прымаць дакументы
Нядаўна ў формах рэгістрацыі на сайце візавых цэнтраў Польшчы ў Беларусі здарыўся збой: у пункце краіны грамадзянства заяўніка замест Беларусі пачала з'яўляцца Бельгія.
Такую інфармацыю «Нашай Ніве» паведаміў Аляксандр Лібер, кіраўнік маніторынгавай групы Visastat.online.
Згодна з назіраннямі праекта, праблема ўзнікла яшчэ на мінулым тыдні. «Цягам некалькіх дзён гэтую сітуацыю візавыя цэнтры прапаноўвалі вырашыць даплатай 85 рублёў. Такім чынам яны змянялі прыярытэт падачы і маглі ўносіць карэкціроўкі», — расказаў Аляксандр Лібер.
Ён адзначае, што вялікай колькасці заяўнікаў гэта не спадабалася, людзі пачалі пісаць скаргі ва ўсе інстанцыі — і ў візавыя цэнтры, і ў кампетэнтныя службы Беларусі. Сітуацыя пагоршала яшчэ больш.
«Ад сёння візавыя цэнтры (за выключэннем некаторых рэгіянальных) перасталі прымаць дакументы з памылкай у краіне грамадзянства. І магчымасці даплаціць за карэкціроўку больш няма», — кажа Аляксандр Лібер.
У мінскім візавым цэнтры трубку не знялі.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары