Ekanomika22

Pastaŭki biełaruskaha paliva ŭ Rasiju mohuć spynicca — «Kommiersant»

Jak stała viadoma rasijskamu vydańniu «Kommiersant», paliva ź Biełarusi moža nieŭzabavie pakinuć rasijski rynak. Z kanca minułaha hoda takija pastaŭki na biržu iduć praz trejdara «Promsyŕjeimport», jaki atrymlivaje vypłaty pa dempfiery. Ale zaraz skaračeńnie vypłat zrobić takija apieracyi niavyhadnymi.

Pa słovach surazmoŭcaŭ «Kommiersanta», biełaruskaje dyzpaliva składaje istotnuju dolu ŭ biržavym prodažy i jaho mahčymy adychod užo pryvioŭ da pavyšeńnia aptovych cen da rekordnych značeńniaŭ.

Biełaruś moža značna skaracić abo zusim spynić pastaŭki paliva na ŭnutrany rynak RF paśla ŭrazańnia dempfieru ŭdvaja ź vieraśnia, čakajuć surazmoŭcy «Kommiersanta» na paliŭnym rynku.

Biełaruskija NPZ z kanca minułaha hoda pastaŭlajuć paliva na biržu SPbMTSB praź dziaržaŭnaha rasijskaha trejdara «Promsyŕjeimport». Navapołacki i mazyrski zavody pradajuć bienzin i dyzpaliva trejdaru, a paśla toj pradaje nabytyja abjomy praź biržu pa ŭnutryrasijskich cenach. A kab kampiensavać razryŭ pamiž zakupačnaj i ŭnutranaj canoj, «Promsyŕjeimport» atrymlivaje dempfiernyja vypłaty ź biudžetu.

U vieraśni, pavodle źmien u rasijski Padatkovy kodeks, dempfiernyja vypłaty skarociacca ŭ dva razy. Heta aznačaje, što zakupačnaja cana «Promsyŕjeimporta» skarocicca, što zrobić takija pastaŭki niepryvabnymi dla biełaruskich vytvorcaŭ pry ciapierašnim uzroŭni ŭnutryrasijskich cen.

Na dumku niekalkich surazmoŭcaŭ «Kommiersanta», biełaruskija NPZ paśla taho buduć zmušanyja pieranakiravać abjomy, jakija ciapier pastaŭlajucca ŭ Rasiju na ekspart, kudyści jašče praz rasijskija party.

Schiema z pastaŭkami dyzpaliva ź Biełarusi z udziełam «Promsyŕjeimporta» była prydumanaja ŭ 2022 hodzie, kab zamiaścić jaho niedachop u RF. Da hetaha vypłaty pa dempfiery ź biudžetu RF atrymlivali tolki rasijskija NPZ. U vieraśni 2022 hoda ŭrad rasparadziŭsia nadzialić «Promsyŕjeimport» pravam realizacyi ŭ RF bienzinu i dyzpaliva, jakija vypuščanyja «zamiežnaj arhanizacyjaj», a taksama pravam pretendavać na atrymańnie dempfieru.

Pad kryteryi «zamiežnaj arhanizacyi» padpadaŭ biełaruski «Biełnaftachim», jaki pierastaŭ pastaŭlać paliva ŭ Jeŭropu praz sankcyi. Subsidavanyja pastaŭki paliva ŭ RF na fonie prablem sa zbytam byli taksama zaklikanyja dapamahčy biełaruskamu biudžetu, istotnaja dola pastupleńniaŭ u jaki zaležyć ad dachodaŭ prodažu naftapraduktaŭ. 

Kamientary2

  • russkij mir
    08.08.2023
    Źvindiec, dažie hnijenije v odnich okopach i polezanije v odni, obšije ziemlanki, nie spasajut sasut ot uhołovnych i poniatijnych tiorok.
    Nu nie mohut v Biełarusi i Rośsii žiť i rabotať po zakonu, tolko po uhołovnym poniatijam, kotoryje uzakonieny i odobrieny cierkov́ju moskvy.
  • Janka
    03.09.2023
    Kali źnikajuć subsidyi/prefierencyi - dyk łukašenkaŭskaja naftapierapracoŭka adrazu apynajecca strataj.
    Hetak było, kali miadviedzieŭskaja Rasieja pasprabavała patrabavać ekspartnyja myty ź biełaruskich naftapraduktaŭ ŭ 2006 ŭ adpaviednaści z damovami jašče siaredziny 90ch.
    Hetak było, kali biełaruskija npz pasprabavali kuplać narviezkuju naftu pa miravych koštaŭ dla pierapracoŭki.
    Voś i zaraz: tolki empfiernyja subsidyi skaracilisia - adrazu straty

Ciapier čytajuć

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Usie naviny →
Usie naviny

U Maładziečnie 13-hadovaja dziaŭčynka zakachałasia ŭ 16-hadovaha staršakłaśnika. Usio skončyłasia sumna14

Samalot ź Minska ŭ Dubaj ekstranna sieŭ u Baku

Izrailskija ŚMI: jadzierny reaktar u iranskim Natanzie źniščany daščentu12

Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon3

Prapahandyst Ihar Tur vyrašyŭ pierasialicca bližej da Astrašyckaha Haradka20

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

Izrail zadziejničaŭ dla ŭdaraŭ pa Iranie 200 samalotaŭ2

bolš čytanych navin
bolš łajkanych navin

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić