U pamočnika Łukašenki spytali, jak pazbavicca kamaroŭ u kvatery
Eks-ministr sielskaj haspadarki, a siońnia pamočnik Łukašenki pa Viciebskaj vobłaści Ihar Bryło zładziŭ u Haradku pramuju telefonnuju liniju i asabisty pryjom ludziej. Abmiarkoŭvalisia pytańni ramontu žylla i daroh, adsutnaści vady i elektryčnaści ŭ pasiołku z pryvatnaj zabudovaj, prahučała i niestandartnaje pytańnie.
Uradženka Haradka piaty hod u Viciebsku žyvie na Maskoŭskim praśpiekcie, i ŭ jaje kvatery nie vyrašajecca prablema kamaroŭ, jakija zalatajuć z syroha padvała.
Jana źviartałasia ŭ ŽKH, da sanitarnaha doktara, ale prablema ź viasny da vosieni zastajecca vostraj. Taksama ŭ padjeździe, pavodle słoŭ zajaŭnicy, nichto nie prybirajecca, niahledziačy na toje, što ŭ žyroŭkach rehularna prastaŭlajuć płatu za hety vid pracy.
Ihar Bryło adznačyŭ, što raźbiarecca ŭ situacyi z pryciahnieńniem śpiecyjalistaŭ kamunalnych słužbaŭ.
Žychar Haradka raspavioŭ, što ŭ dvuchpaviarchovym domie, dzie jon pražyvaje, z boku słychavoha akna ŭ doždž praciakaje dach. Jaho susiedzi pa 8-kvaternym domie taksama paskardzilisia na stan žylla. Kiraŭnica rajvykankama raspaviała, što dom staroj zabudovy, nieadnarazova razhladałasia pytańnie metazhodnaści kapramontu. Častka kvater pryvatyzavanaja, žycharam prapanoŭvali pierasialicca ŭ inšaje miesca, ale tyja admovilisia. Jana raskazała, jakija raboty mohuć pravodzicca za košt biudžetu, a jakija za srodki žycharoŭ.
Ihar Bryło daručyŭ pravieści ramont dachu i abśledavać budynak, a zatym raskazać žycharam pra varyjanty abnaŭleńnia.
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki3
Kamientary